രാധാകൃഷ്ണനെതിരെ മാനനഷ്ട കേസ് നൽകുമെന്ന് ബിനീഷ് കോടിയേരി

തിരുവനന്തപുരം: നടി ആക്രമിക്കപ്പെട്ട കേസിൽ തന്‍റെ പേര് അനാവശ്യമായി വലിച്ചിഴച്ച ബിജെപി നേതാവ് എ.എൻ.രാധാകൃഷ്ണനെതിരെ മാനനഷ്ടക്കേസ് നൽകുമെന്ന് ബിനീഷ് കോടിയേരി. കൃത്യമായ രാഷ്ട്രീയ മുതലെടുപ്പാണ് രാധാകൃഷ്ണന്‍ ലക്ഷ്യമിടുന്നതെന്ന് ബിനീഷ് ആരോപിച്ചു. ഗാന്ധിജിയെ വെടിവെച്ചു കൊന്ന രാഷ്ട്രീയ പാര്‍ട്ടിയായ ബിജെപിയില്‍ നിന്ന് ഇതില്‍ കൂടുതലൊന്നും പ്രതീക്ഷിക്കാനാകില്ലെന്നും ബിനീഷ് പറഞ്ഞു.

നടിയുമായി തനിക്ക് വളരെക്കാലമായി നല്ല സൗഹൃദ ബന്ധമുണ്ട്. പ്രശനമുണ്ടായപ്പോൾ അവരോടൊപ്പം നിൽക്കുകയാണ് താന്‍ ചെയ്ത‍ത്.അനാവശ്യമായി തന്‍റെ പേര് കേസിലേക്ക് വലിച്ചിഴച്ചു. പൾസർ സുനി എന്ന പേര് ഇപ്പോൾ നടിയെ ആക്രമിച്ച കേസ് ഉണ്ടായപ്പോഴാണ് ആദ്യമായി കേൾക്കുന്നതെന്നും സുനിയുമായി തനിക്ക് മുന്‍പരിചയമില്ലെന്നും ബിനീഷ് വ്യക്തമാക്കി.

Bineesh Kodiyeri to file defammation case

Bineesh Kodiyeri decided to file defammation case against A.N.Radhakrishnan