കൊടിയേരിയുടെ മക്കളുടെ പേരിൽ 28 വ്യാജ കമ്പനികൾ

സിപിഐഎം സംസ്ഥാന സെക്രട്ടറി കൊടിയേരി ബാലകൃഷ്ണനും മക്കൾക്കുമെതിരെ ബിജെപി രംഗത്ത്. ബിനോയിയുടേയും ബിനീഷിന്‍റേയും പേരിൽ തിരുവനന്തപുരത്ത് 28-ഓളം വ്യാജകമ്പനികൾ പ്രവർത്തിക്കുന്നുണ്ടെന്നാണ് ബിജെപി ആരോപിച്ചിരിക്കുന്നത്. ബിജെപി നേതാവ് എ.എൻ രാധാകൃഷ്ണനാണ് ഇത്തരത്തിലൊരാരോപണം ഉന്നയിച്ചിരിക്കുന്നത്.

തിരുവനന്തപുരത്തെ ഒരു കെട്ടിടത്തിനുള്ളിൽ ബോർഡുപോലുമില്ലാതെ 28 കമ്പനികൾ ഇരുവരും അവരുടെ സുഹൃത്തുക്കളും ചേ‍ർന്ന് നടത്തുന്നുണ്ട്. ബെംഗലുരുവിലും ഇത്തരത്തിൽ കമ്പനികളുണ്ട്. പല വിദേശപണമിടപാടുകളും ഇവർ ഇതുവഴി നടത്തുന്നുമുണ്ടെന്ന് രാധാകൃഷ്ണൻ ആരോപിക്കുന്നുണ്ട്. ഇതുസംബന്ധിച്ച് കൊടിയേരി നയം വ്യക്തമാക്കണമെന്നും അദ്ദേഹം ആവശ്യപ്പെട്ടു.