'ത്രിപുര ബിജെപി പിടിച്ചു, കേരളത്തിലെ വിജയസാധ്യത ഇങ്ങനെ': വിശദീകരിച്ച് ഇ ശ്രീധരൻ

ബിജെപി സ്ഥാനാർഥി എന്നതിലുപരി കൂടുതൽ വോട്ടുകിട്ടുക മെട്രോമാന്‍ എന്ന നിലയിലായിരിക്കുമെന്ന് ഇ ശ്രീധരൻ പറഞ്ഞു. മെട്രോമാന്‍ എന്ന നിലയിലാണ് ആളുകള്‍ സ്വീകരിച്ചു. ഞാൻ എത്തിയത് മുതൽ ബിജെപിയുടെ മുഖച്ഛായ മാറി. പ്രധാനമന്ത്രി മോദി വരുമ്പോഴൊക്കെ എന്നെകുറിച്ചാണ് സംസാരിക്കുന്നത്. ഇത്തവണ വോട്ട് വിഹിതം 30 ശതമാനം ആകുമെന്നാണ് വിശ്വസിക്കുന്നത്. പ്രായം ബുദ്ധിയെ ബാധിച്ചിട്ടില്ല. അനുഭവമാണ് ശക്തിയെന്നും ഇ ശ്രീധരന്‍ പറഞ്ഞു.

നിയമസഭാ തെരഞ്ഞെടുപ്പിൽ പാലക്കാട് മണ്ഡലത്തിൽ നിന്നും ജയിക്കുമെന്ന കാര്യത്തിൽ സംശയമില്ലെന്ന് ഇ ശ്രീധരൻ വ്യക്തമാക്കി. മണ്ഡലത്തിലെ ജയത്തിൽ സംശയമില്ലാത്തതിനാൽ അക്കാര്യം പറയേണ്ടതില്ല. വലിയ മുന്നേറ്റമാകും ബിജെപി ഇത്തവണ നടത്തുക. നിലവിൽ 17 ശതമാനത്തിലധികം വോട്ട് ഷെയർ ബിജെപിക്കുണ്ട്. പത്ത് അല്ലെങ്കിൽ പന്ത്രണ്ട് ശതമാനം വേട്ട് ലഭിച്ചാൽ ബിജെപിക്ക് ഭരണം പിടിച്ചെടുക്കാൻ കഴിയുമെന്ന് അദ്ദേഹം വ്യക്തമാക്കി.

ജനങ്ങളിൽ നിന്ന് ലഭിക്കുന്ന പ്രതികരണം അനുകൂലമാണെന്ന് ഇ ശ്രീധരൻ പറഞ്ഞു. എളുപ്പത്തിൽ ജയിക്കാനാകുമെന്നാണ് ജനങ്ങളുടെ സമീപനത്തിൽ നിന്നും മനസിലാകുന്നത്. ഇക്കാര്യം മനസിലാക്കാൻ കഴിഞ്ഞു. ജനങ്ങൾ ഇടത് - വലത് മുന്നണികളെ മടുത്തതുകൊണ്ട് വലിയ മാറ്റം സംഭവിക്കുമെന്നാണ് താൻ പ്രതീക്ഷിക്കുന്നത്. ഇരു മുന്നണികളിലുമുള്ള തട്ടിപ്പുകളും അഴിമതിയും ഒന്നും ഇനിയും അറിയില്ലല്ലോ. അപ്പോള്‍ ജനങ്ങള്‍ക്ക് തീരുമാനിക്കാം എങ്ങനുള്ള സര്‍ക്കാരാണ് അവര്‍ക്ക് വേണ്ടതെന്ന് എന്നും ഇ ശ്രീധരൻ വ്യക്തമാക്കി.

ആത്മവിശ്വാസം തുളുമ്പുന്ന വാക്കുകളാണ ഈ ശ്രീധരൻ്റെ ഭാഗത്ത് നിന്നുമുണ്ടായത്. ത്രിപുര ഒറ്റ രാത്രി കൊണ്ടാണ് ബിജെപി പിടിച്ചെടുത്തത്. അങ്ങനെയുള്ള സംഭവം ഇവിടെയുണ്ടാകും. വേരുകളില്ലാഞ്ഞിട്ടും ഡൽഹി പിടിച്ചെടുക്കാൻ ആം ആദ്‌മി പാർട്ടിക്ക് സാധിച്ചു. എന്നാൽ അതിലധികം വേരുകൾ ബിജെപിക്ക് കേരളത്തിലുണ്ട്. പരിശുദ്ധമായ സർക്കാരാണ് വേണ്ടതെന്ന് ജനങ്ങൾക്ക് തീരുമാനിക്കാം. അതിനാൽ തന്നെ കൂടുതൽ വോട്ടുകൾ ബിജെപിക്ക് ലഭിക്കാൻ സാധ്യതയുണ്ടെന്നും ഇ ശ്രീധരൻ പറഞ്ഞു.

ചിത്രത്തിന് കടപ്പാട്: Photo: E sreedharan/Facebook