ബിജെപി പ്രഖ്യാപിച്ച സംസ്ഥാന ഹർത്താൽ തുടങ്ങി

തിരുവനന്തപുരം: കണ്ണൂരിൽ നടന്ന രാഷ്ട്രീയ സംഘർഷത്തെ തുടർന്ന് സംസ്ഥാന വ്യാപകമായി ബിജെപി പ്രഖ്യാപിച്ച ഹർത്താൽ തുടങ്ങി. കണ്ണൂരിലെ സംഘർഷങ്ങൾ കണക്കിലെടുത്തു ആറ് കമ്പനി പോലീസിനെ കണ്ണൂരിൽ വിന്യസിച്ചിട്ടുണ്ട്. ജില്ലാ കളക്ടർ അതീവ ജാഗ്രതാ നിർദേശം നൽകിയിട്ടുണ്ട്. വിവിധ സർവ്വകലാശാലകൾ ഇന്ന് നടത്തേണ്ടിയിരുന്ന പരിക്ഷീകൾ മാറ്റിവെച്ചു. പിഎസ്‌സി പരീക്ഷകൾക്കും അഭിമുഖങ്ങൾക്കും മാറ്റമില്ല.

എന്നാൽ, മാഹി പള്ളി തിരുനാള്‍ നടക്കുന്നതിനാല്‍ മാഹി ടൗണിനെ മാത്രം ഹര്‍ത്താലില്‍നിന്ന് ഒഴിവാക്കി. ഇന്നലെ കൊല്ലപ്പെട്ട ബിജെപി പ്രവർത്തകൻ രമിത്തിന്‍റെ സംസ്കാരം ഇന്ന് നടക്കും. കെഎസ്ആർടിസി ബസുകൾ ഉൾപ്പടെയുള്ളവ സംസ്ഥാനത്ത് ഇത് വരെ സർവീസ് നടത്താനായി നിരത്തിലിറങ്ങിയിട്ടില്ല. പതിനൊന്നരയോടെ തിരുവനന്തപുരത്ത് സെക്രട്ടേറിയറ്റിലേക്കു ബിജെപി മാർച്ച് നടത്തും.

പിഎസ്‍സിയുടെ അഭിമുഖങ്ങളിലും, തിരുവനന്തപുരം ആർസിസിയിലും മറ്റും എത്തിച്ചേരാനായി തമ്പാനൂര്‍ റെയില്‍വേ സ്റ്റേഷനില്‍ നിന്ന് പ്രത്യേക ബദൽ സംവിധാനങ്ങൾ പോലീസ് സുരക്ഷയോടെ ഏർപ്പെടുത്തും. പാൽ,പത്രം,ആശുപത്രി എന്നിവയെ ഹർത്താലിൽ നിന്ന് ഒഴിവാക്കി.

BJP declared hartal begins in Kerala

University exams have been postponed. PSC interviews will be held as informed earlier.