പത്തനംതിട്ടയിൽ ബിജെപി-ഡിവൈഎഫ്ഐ സംഘർഷം

പത്തനംതിട്ട നഗരത്തിൽ ബിജെപി-ഡിവൈഎഫ്ഐ പ്രവർത്തകർ തമ്മിൽ സംഘർഷം. വ്യാപകമായ കല്ലേറിൽ നിരവധിപ്പേർക്ക് പരിക്കേറ്റു. പതാക നശിപ്പിച്ചതിന്റെ പേരിലാണ് സംഘർഷം ഉടലെടുത്തത്. ഇരുവിഭാഗവും ഏറ്റുമുട്ടിയതിനെത്തുടർന്ന് ബിജെപി പ്രവർത്തകർ ചിതറി ഓടി.

ഡിവൈഎഫ്ഐ പ്രവർത്തകർ റോഡിൽ കുത്തിയിരുന്ന് പ്രതിഷേധിച്ചു. സംഭവത്തെപ്പറ്റിയറിഞ്ഞ് സ്ഥലത്തെത്തിയ പോലീസ് പ്രവർത്തകരെ ലാത്തി വീശി ഓടിച്ചു.പോലീസ് പ്രവർത്തകരുമായി ചർച്ച നടത്തവെ സംഘർഷം ഉടലെടുത്തതിനെത്തുടർന്നാണ് ലാത്തി വീശിയത്. തുടർന്നാണ് കല്ലേറുണ്ടായത്. നേതാക്കൾ സ്ഥലത്തെത്തി പ്രവർത്തകരെ ആശ്വസിപ്പിച്ചു.