ബിജെപി തെരഞ്ഞെടുപ്പ് കമ്മിറ്റി യോഗം ഇന്ന്

ബിജെപി തെരഞ്ഞെടുപ്പ് കമ്മിറ്റി ഇന്ന് യോഗം ചേരും. സ്ഥാനാര്‍ത്ഥി പട്ടികയ്ക്ക് അന്തിമ രൂപം നല്‍കാനായാണ് യോഗം. 80 പേരുടെ പട്ടികയ്ക്കാണ് ഇന്ന് അന്തിമ രൂപം നല്‍കുക. ജനറല്‍ സെക്രട്ടറി കെ സുരേന്ദ്രനെ കാസര്‍കോടിനൊപ്പം മഞ്ചേശ്വരത്തും പരിഗണിക്കുന്നുണ്ട്. ഇക്കാര്യത്തില്‍ ഇന്ന് അന്തിമ തീരുമാനമുണ്ടാകും.

തിരുവനന്തപുരം സെന്‍ട്രലില്‍ മത്സരിക്കാന്‍ പാര്‍ട്ടി ആവശ്യപ്പെട്ടെങ്കിലും സുരേന്ദ്രന്‍ തയ്യാറായിരുന്നില്ല. സുരേന്ദ്രന് പകരം സെന്‍ട്രലിലെ സ്ഥാനാര്‍ത്ഥിയെയും ഇന്ന് തീരുമാനിക്കും. സ്ഥാനാര്‍ത്ഥികളുടെ പട്ടികയുമായി സംസ്ഥാന അദ്ധ്യക്ഷന്‍ കുമ്മനം രാജശേഖരന്‍ അടക്കമുള്ള നേതാക്കള്‍ 16ന് ദില്ലിക്ക് പോകും. 17ന് പാര്‍ലമെന്ററി ബോര്‍ഡ് ദില്ലിയില്‍ ചേര്‍ന്ന് ആദ്യ ഘട്ട സ്ഥാനാര്‍ത്ഥി പട്ടിക പ്രഖ്യാപിക്കും.