വടകരയില്‍ ബി.ജെ.പി ഹര്‍ത്താല്‍ തുടങ്ങി

കോഴിക്കോട്: വടകര നിയോജക മണ്ഡലത്തിൽ ബിജെപി ഹർത്താൽ തുടങ്ങി. പ്രദേശത്ത് ആർഎസ്എസ് - ബിജെപി പ്രവർത്തകരുടെ വീടുകൾക്ക് നേരെ ആക്രമണമുണ്ടായിരുന്നു. ഇതിൽ പ്രതിഷേധിച്ചാണ് ബിജെപി ഹർത്താൽ പ്രഖ്യാപിച്ചിരിക്കുന്നത്. വടകര നഗരസഭയിലും ചോറോട്, ഒഞ്ചിയം, അഴിയൂര്‍, ഏറാമല പഞ്ചായത്തുകളിലുമാണ് ഹര്‍ത്താല്‍ പ്രഖ്യാപിച്ചിരിക്കുന്നത്. രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ.

പ്രദേശത്ത് കഴിഞ്ഞ കുറച്ച് ദിവസങ്ങളായി സിപിഎം-ആര്‍എസ്എസ് സംഘര്‍ഷം നിലനില്‍ക്കുന്നുണ്ട്. കഴിഞ്ഞ ദിവസം വടകരയില്‍ യുവമോര്‍ച്ച നേതാവിന്‍റെ വീടിനു നേരെ ആക്രമണമുണ്ടായതിനു പിന്നാലെ സിപിഎം പ്രാദേശിക നേതാവിന്‍റെ വീടിനു നേരെയും ആക്രമണം ഉണ്ടായിരുന്നു. കഴിഞ്ഞ വ്യാഴാഴ്ച സിപിഎം പ്രവർത്തകൻെറ വീടിന് നേരെ ആക്രമണമുണ്ടായിരുന്നു.