അമിത് ഷാ കണ്ണൂരിൽ വന്നിറങ്ങുന്ന ആദ്യ യാത്രക്കാരൻ; വിമാനമിറങ്ങുന്നത് 27ന്

കണ്ണൂർ: ബിജെപി കണ്ണൂർ ജില്ലാ കമ്മിറ്റി ഓഫീസായ മാരാർജി ഭവൻ ശനിയാഴ്ച ബിജെപി ദേശീയ അദ്ധ്യക്ഷൻ അമിത് ഷാ നിർവ്വഹിക്കും. കണ്ണൂർ വിമാനത്താവളത്തിൽ സ്വകാര്യ വിമാനത്തിൽ വന്നിറങ്ങുന്ന അമിത് ഷാ കാർ മാർഗം ഉദ്ഘാടന വേദിയായ താളിക്കാവിലെത്തുമെന്നും ബിജെപി സംസ്ഥാന സെൽ കോർഡിനേറ്റർ കെ രഞ്ജിത്ത് വാർത്താ സമ്മേളനത്തിൽ പറഞ്ഞു.

പിണറായിയിൽ കൊല്ലപ്പെട്ട ഉത്തമൻ, രമിത് എന്നിവരുടെ വീടുകൾ അമിത് ഷാ സന്ദർശിക്കും. പിന്നീട് വർക്കലയിലേക്ക് പോകും. താളിക്കാവിൽ നടക്കുന്ന സമ്മേളനത്തിൽ എംഎൽഎ ഒ രാജഗോപാൽ അദ്ധ്യക്ഷത വഹിക്കും. ബിജെപി സംസ്ഥാന അദ്ധ്യക്ഷൻ പി എസ് ശ്രീധരൻ പിള്ള കെ ജി മാരാരുടെ പ്രതിമ അനാവരണം ചെയ്യും.

ഓഫീസിനു മുന്നിൽ ബലിദാനികളുടെ സ്മരണാർത്ഥം സ്തൂപം ഒരുക്കിയിട്ടുണ്ട്. അടിയന്തിരാവസ്ഥാ പീഡതരുടെ സംഘമവും ബിജെപി പ്രവർത്തകരുടെ കുടുംബ സംഘമവും ഉണ്ടായിരിക്കും. കൊല്ലപ്പെട്ട ആർഎസ്എസ് പ്രവർത്തകരുടെ കുടുംബാംഗങ്ങൾ പരിപാടിയിൽ പങ്കെടുക്കും.