ശബരിമല വിഷയം: പ്രേമചന്ദ്രൻ്റെ സ്വകാര്യ ബില്ലിനെ പിന്തുണച്ച് കുമ്മനം

തിരുവനന്തപുരം: ശബരിമല യുവതി പ്രവേശനത്തിനെതിരെ എൻ കെ പ്രേമചന്ദ്രൻ എംപി അവതരിപ്പിക്കാനൊരുങ്ങുന്ന സ്വകാര്യ ബില്ലിനെ പിന്തുണച്ച് ബിജെപി നേതാവ് കുമ്മനം രാജശേഖരൻ. സ്വകാര്യ ബിൽ ശബരിമല വിഷയത്തിലെ ബിജെപി നിലപാട് തന്നെയാണെന്നും കുമ്മനം പറഞ്ഞു.

സ്വകാര്യ ബില്ലിൽ രാഷ്ട്രീയം കാണേണ്ട. ബില്ലിലെ താൽപര്യം ശബരിമലക്ക് വിരുദ്ധമല്ല. ആചാരങ്ങളെ സംരക്ഷിക്കാനാണ് ബിജെപി പ്രക്ഷോഭങ്ങള്‍ സംഘടിപ്പിച്ചതെന്നും കുമ്മനം വ്യക്തമാക്കി.

അതേസമയം വെള്ളിയാഴ്ചയാണ് എൻ കെ പ്രേമചന്ദ്രൻ സ്വകാര്യ ബിൽ അവതരിപ്പിക്കുന്നത്. ശബരിമലയിൽ തൽസ്ഥിതി തുടരണമെന്നാണ് ബില്ലിൽ ആവശ്യപ്പെടുന്നത്.