കോട്ടയത്ത് തോക്കുകളുമായി ബിജെപി നേതാവും സംഘവും അറസ്റ്റില്‍; വീട്ടില്‍ നിന്ന് പിടിച്ചെടുത്തത് പത്തോളം തോക്കുകള്‍
ആംസ് ആക്ട്, അനധികൃതമായി ആയുധ നിര്‍മ്മാണം എന്നീ വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. ഇതിനുമുമ്പും അറസ്റ്റിലായവരില്‍ ചിലര്‍ക്ക് ആയുധം കൈവശം വെച്ചതുമായി ബന്ധപ്പെട്ട് കേസുണ്ടായിരുന്നെന്ന് പോലീസ് വ്യക്തമാക്കി.
Samayam Malayalam11 Mar 2020, 7:23 pm
കോട്ടയം: പത്തോളം തോക്കുകളുമായി ബിജെപി പ്രാദേശിക നേതാവ് പള്ളിക്കത്തോട്ടില്‍ അറസ്റ്റില്‍. സംഭവത്തില്‍ അഞ്ച് പേര്‍ അറസ്റ്റില്‍. കോട്ടയത്തെ ബിജെപിയുടെ പ്രാദേശിക നേതാവ് വിജയന്‍ ആണ് അറസ്റ്റിലായത്. ഇയാളുടെ വീട്ടില്‍ നിന്നാണ് തോക്കുകള്‍ കണ്ടെടുത്തത്.
വിജയനെ പള്ളിക്കത്തോട് പോലീസ് വീട്ടില്‍ നിന്ന് പോലീസ് അറസ്റ്റ് ചെയ്തതിന് ശേഷം നടത്തിയ ചോദ്യം ചെയ്യലിന് ശേഷമാണ് മാറ്റ് നാല് പേരുടെ പങ്ക് ബോധ്യപ്പെട്ടത്. കൊമ്പിലാക്കല്‍ ബിനേഷ്‌കുമാര്‍, രതീഷ് ചന്ദ്രന്‍, ആനിക്കാട് രാജന്‍, ആനിക്കാട് തട്ടാംപറമ്പില്‍ മനേഷ്‌കുമാര്‍ എന്നിവരാണ് പിടിയിലായ മറ്റ് നാലുപേര്‍.
Also Read: കൊറോണ ബോധവത്കരണത്തിന് റോബോട്ടുകളും; പുതിയ സംരംഭവുമായി അസിമോവ് റോബോട്ടിക്സ് വരില്‍ നിന്നും റിവോള്‍വറുകള്‍, തോക്ക് നിര്‍മിക്കാനാവശ്യമായ സാമഗ്രികള്‍, പല തരം തോക്കുകളുടെ മോഡലുകള്‍, വ്യാജവെടിയുണ്ടകള്‍ നിര്‍മിക്കാനാവശ്യമായ അസംസ്‌കൃത വസ്തുക്കളും അമ്പതോളം ഇരുമ്പ് വടികളും പിടിച്ചെടുത്തു. ഇവര്‍ക്കെതിരെ ആംസ് ആക്ട്, അനധികൃതമായി ആയുധ നിര്‍മ്മാണം എന്നീ വകുപ്പുകള്‍ പ്രകാരമാണ് കേസെടുത്തതെന്ന് കാഞ്ഞിരപ്പള്ളി ഡിവൈഎസ്പി പറഞ്ഞു.
അറസ്റ്റിലായവര്‍ക്ക് തോക്കുനിര്‍മ്മാണവുമായി ബന്ധമുണ്ടെന്ന് പോലീസ് പറയുന്നു. അറസ്റ്റിലായ 5 പേരെയും റിമാന്‍ഡ് ചെയ്തിരിക്കുകയാണ്. ആയുധം കൈവശം വെച്ചതിന് ഇതിന് മുമ്പും പ്രതികളില്‍ പലര്‍ക്കുമെതിരെ കേസ് രജിസ്റ്റര്‍ ചെയ്തിരുന്നുവെന്ന് പോലീസ് പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
