തിരുവനന്തപുരം: ബിജെപി ജനറല്‍ സെക്രട്ടറി എ എന്‍ രാധാകൃഷ്ണന്‍റെ നിരാഹാര സമരത്തില്‍ സര്‍ക്കാര്‍ ഇടപെടണമെന്നാവശ്യപ്പെട്ട് സംസ്ഥാനത്ത് ബിജെപി നടത്തിയ വിവിധ മാര്‍ച്ചുകളില്‍ സംഘര്‍ഷം. യുവമോര്‍ച്ചയുടെ നേതൃത്വത്തില്‍ സെക്ര‍ട്ടേറിയറ്റിലേക്ക് നടത്തിയ മാര്‍ച്ചിനിടെ സംഘര്‍ഷം ഉണ്ടായതോടെ പോലീസ് ലാത്തി വീശുകയായിരുന്നു.
Samayam Malayalam
സ്ത്രീകളെ മുന്നില്‍ നിര്‍ത്തിയാണ് സെക്രട്ടറിയേറ്റ് മാര്‍ച്ച് നടത്തിയത്. പോലീസിനു നേര്‍ക്ക് പ്രവര്‍ത്തകര്‍ കസേരകളും കുപ്പികളും വലിച്ചെറിഞ്ഞതോടെ പ്രതിഷേധക്കാരെ പിരിച്ചുവിടിനായി പോലീസ് ജലപീരങ്കിയും കണ്ണീര്‍വാതകവും പ്രയോഗിക്കുകയായിരുന്നു. സംഘര്‍ത്തില്‍ സ്ത്രീകളടക്കമുള്ള പ്രവര്‍ത്തകര്‍ക്ക് പരിക്കേറ്റിട്ടുണ്ട്.
കൊച്ചിയിലും കോട്ടയത്തും നടന്ന മാര്‍ച്ചിലും സംഘര്‍ഷം ഉണ്ടായി. തിരുവനന്തപുരത്ത് എ എന്‍ രാധാകൃഷ്ണന്‍റെ സമരപന്തല്‍ കേന്ദ്രീകരിച്ചായിരുന്നു സമരം. നിരവധി പ്രവര്‍ത്തകരെ പോലീസ് അറസ്റ്റ് ചെയ്ത് നീക്കി.
അതേസമയം എ എന്‍ രാധാകൃഷ്ണന്‍റെ നിരാഹാര സമരം ഇന്ന് എട്ടാം ദിവസത്തിലേക്ക് കടന്നു. ഇതോടെയാണ് ബിജെപി സമരം ശക്തമാക്കാനുള്ള തീരുമാനവുമായി രംഗത്തെത്തിയത്. എന്നാല്‍ എ എന്‍ രാധാകൃഷ്ണന് ആരോഗ്യ പ്രശ്നങ്ങള്‍ രൂക്ഷമായതിനെ തുടര്‍ന്ന് ആശുപത്രിയിലേക്ക് മാറ്റാണമെന്ന് ഡോക്ടര്‍മാര്‍ ആവശ്യപ്പെട്ടിട്ടുണ്ട്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
