പാലക്കാട്: കേരളം ഭീകരവാദികളുടെ ഒളിത്താവളമാണെന്ന് ബിജെപി. തങ്ങളുടെ കാഴ്ചപ്പാടിന്റെ അവസാനത്തെ ഉദാഹരണമാണ് മാവോയിസ്റ്റ് ജലീലിന്റെ കൊലപാതകമെന്ന് ബിജെപി വക്താവ് ബി ഗോപാലകൃഷ്ണൻ പറഞ്ഞു. പാകിസ്ഥാൻ ഭീകരരോട് ചർച്ചവേണമെന്നു പറഞ്ഞ കോടിയേരി മാവോയിസ്റ്റുകളോട് ചർച്ചനടത്താത്തതെന്താണെന്നും ഗോപാലകൃഷ്ണൻ ചോദിച്ചു. കമ്മ്യൂണിസം ലോകത്ത് അരാജകത്വം മാത്രമാണ് സൃഷ്ടിച്ചിട്ടുള്ളത്. ഒരു കമ്മ്യൂണിസ്റ്റ് കുടുംബത്തിന്റെ അരാജകത്വ അന്ത്യത്തിന്റെ ഉദാഹരണമാണ് ജലീലെന്നും ഗോപാലകൃഷ്ണൻ പറഞ്ഞു. ഇതുകൊണ്ടൊക്കെയാണ് കമ്മ്യൂണിസ്റ്റ് നേതാക്കൾ തങ്ങളുടെ മക്കളെ വേറെവഴിക്കുവിട്ടത്.
പാകിസ്ഥാനിൽ ബോംബിട്ടത് മുസ്ലിം വിരുദ്ധത ഉണ്ടാക്കാനാണെന്നു പറഞ്ഞ കോടിയേരി മുസ്ലിം മാവോയിസ്റ്റിനെ കൊന്നത് ഈ ലക്ഷ്യത്തോടെയാണോയെന്നും ഗോപാലകൃഷ്ണൻ ചോദിച്ചു. കമ്മ്യൂണിസ്റ്റ് പോരാട്ടം നടത്തുന്നവരാണെന്നുപറഞ്ഞ് തമിഴ്നാട്ടിൽനിന്നുള്ള കുപ്പുസ്വാമി എന്ന മാവോയിസ്റ്റിന്റെ അന്ത്യകർമ്മത്തിൽ പങ്കെടുത്ത ബിനോയ് വിശ്വവും സിപിഐയും മലയാളി മാവോയിസ്റ്റിനെ കൊലപ്പെടുത്തിയ സംഭവത്തിൽ പ്രതികരിക്കണമെന്നും ബിജെപി വക്താവ് പറഞ്ഞു.
പാകിസ്ഥാനിൽ ബോംബിട്ടത് മുസ്ലിം വിരുദ്ധത ഉണ്ടാക്കാനാണെന്നു പറഞ്ഞ കോടിയേരി മുസ്ലിം മാവോയിസ്റ്റിനെ കൊന്നത് ഈ ലക്ഷ്യത്തോടെയാണോയെന്നും ഗോപാലകൃഷ്ണൻ ചോദിച്ചു. കമ്മ്യൂണിസ്റ്റ് പോരാട്ടം നടത്തുന്നവരാണെന്നുപറഞ്ഞ് തമിഴ്നാട്ടിൽനിന്നുള്ള കുപ്പുസ്വാമി എന്ന മാവോയിസ്റ്റിന്റെ അന്ത്യകർമ്മത്തിൽ പങ്കെടുത്ത ബിനോയ് വിശ്വവും സിപിഐയും മലയാളി മാവോയിസ്റ്റിനെ കൊലപ്പെടുത്തിയ സംഭവത്തിൽ പ്രതികരിക്കണമെന്നും ബിജെപി വക്താവ് പറഞ്ഞു.