എകെ ബാലൻ വാളയാർ പെൺകുട്ടികളുടെ അമ്മയെ ഭീഷണിപ്പെടുത്തുന്നു: കെ സുരേന്ദ്രൻ

തിരുവനന്തപുരം: വാളയാർ കേസിൽ നീതിക്കായി സമരം ചെയ്യുന്ന പെൺകുട്ടികളുടെ അമ്മയെ മന്ത്രി എകെ ബാലൻ ഭീഷണിപ്പെടുത്തുന്നുവെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. എന്തിനു വേണ്ടിയാണ് പെൺകുട്ടികളുടെ അമ്മ സമരം ചെയ്യുന്നതെന്ന മന്ത്രിയുടെ ചോദ്യം മനുഷ്യത്വ വിരുദ്ധമാണെന്ന് സുരേന്ദ്രൻ പറഞ്ഞു.

Also Read: കെഎം ഷാജിക്കെതിരെ കണ്ണൂരിൽ എൽഡിഎഫ് പ്രതിഷേധം സംഘടിപ്പിക്കുന്നു; 180 കേന്ദ്രങ്ങളിൽ ഒക്ടോബർ 30 ജനകീയ കൂട്ടായ്മ

എന്തിനാണ് സമരം ചെയ്യുന്നത് എന്ന് ചോദിക്കുന്ന ബാലൻ സർക്കാരിന്റെ ദൂതനെ പെൺകുട്ടികളുടെ അമ്മയുടെ അടുത്തേക്ക് അയച്ചത് എന്തിനാണ്? പെൺകുട്ടികളെ ക്രൂരമായി കൊലപ്പെടുത്തി കെട്ടിത്തൂക്കിയ പ്രതികളെ സംരക്ഷിക്കുന്ന സംസ്ഥാന സർക്കാർ ഇരകളുടെ അമ്മയെ അപമാനിക്കുകയാണ്. സമരം ചെയ്യാൻ എകെ ബാലന്റെയോ കമ്മ്യൂണിസ്റ്റ് പാർട്ടിയുടെയോ അനുവാദം വേണ്ടെന്നും സരേന്ദ്രൻ പറഞ്ഞു.

Also Read: ചരിത്രത്തിലാദ്യമായി ഫയർ & റെസ്ക്യൂ സർവീസിൽ ഹോം ഗാർഡുകളായി സ്ത്രീകളെ നിയമിക്കുന്നു

കേസിലെ പ്രതികളെ രക്ഷപെടാൻ സഹായിച്ചവർക്ക് തക്കതായ ശിക്ഷ വാങ്ങിക്കൊടുക്കുമെന്ന് പറഞ്ഞ മുഖ്യമന്ത്രി അത് പാലിച്ചില്ല. കേസ് അട്ടിമറിച്ച ഡിവൈഎസ്പി സോജൻ, എസ്ഐ ചാക്കോ എന്നിവർക്ക് സ്ഥാനക്കയറ്റം നൽകി. ഇരകളുടെ മാതാപിതാക്കളെക്കൊണ്ട് കാലിൽ വീഴിച്ച മുഖ്യമന്ത്രിയുടെ ചിത്രം കേരളം മറന്നിട്ടില്ലെന്നും സുരേന്ദ്രൻ പറഞ്ഞു. നാളെ രാവിലെ സമരപ്പന്തൽ സന്ദർശിക്കുമെന്നും നീതി ലഭിക്കും വരെ ബിജെപി പോരാടുമെന്നും സുരേന്ദ്രൻ പറഞ്ഞു.