ഹര്‍ത്താല്‍ തെറ്റായിരുന്നില്ലെന്ന് ശ്രീധരന്‍ പിള്ള

തിരുവനന്തപുരം: ബിജെപി വെള്ളിയാഴ്ച പ്രഖ്യാപിച്ച ഹര്‍ത്താല്‍ തെറ്റായിരുന്നില്ലെന്ന് സംസ്ഥാന അധ്യക്ഷന്‍ പി എസ് ശ്രീധരന്‍ പിള്ള. പാര്‍ട്ടിയിലെ എല്ലാ നേതാക്കളും ആലോചിച്ചെടുത്ത തീരുമാനമാണെന്നും അദ്ദേഹം പറഞ്ഞു.

സെക്രട്ടേറിയേറ്റിനു സമീപത്തെ ബിജെപി സമരപന്തലിനു മുന്നിലാണ് മുട്ടട സ്വദേശിയായ വേണുഗോപാലന്‍ നായര്‍ ആത്മഹത്യ ചെയ്‍തത്. എന്നാല്‍ ഇതേ തുടര്‍ന്ന് വേണുഗോപാലന്‍ നായര്‍ ആത്മഹത്യചെയ്തുവെന്നു വാര്‍ത്താക്കുറിപ്പിറക്കാന്‍ പോലീസിന് എന്തവകാശമാണെന്നും ശ്രീധരന്‍ പിള്ള ചോദിച്ചു.

ശബരിമല വിഷയത്തില്‍ ബിജെപി പ്രഖ്യാപിച്ച രണ്ട് ഹര്‍ത്താലുകളും തെറ്റാണെന്നു വിലയിരുത്തിയിട്ടില്ല. എന്നാല്‍ ചിലര്‍ ബിജെപിക്കിടയില്‍ തെറ്റിദ്ധാരണ പടര്‍ത്താന്‍ ശ്രമിക്കുകയാണ്. വേണുഗോപാലന്‍ നായര്‍ സി കെ പത്മനാഭനോട് പറഞ്ഞതാണ് മരണമൊഴിയെന്നും ഇതു രേഖപ്പെടുത്താന്‍ പോലീസ് തയ്യാറായില്ലെന്നും അദ്ദേഹം കൂട്ടിച്ചേര്‍ത്തു.