ന്യൂഡൽഹി: രാജ്യത്ത് പൊതുതെരഞ്ഞെടുപ്പ് ഇപ്പോൾ നടത്തിയാൽ ബിജെപി നേതൃത്വം നൽകുന്ന എൻഡിഎക്ക് ഭൂരിപക്ഷം ലഭിക്കില്ലെന്ന് സർവേ ഫലം. ഇന്ത്യ ടിവി- സിഎൻഎൻഎക്സ് അഭിപ്രായ സർവേ ഫലമാണ് ഇപ്പോൾ പുറത്ത് വന്നിരിക്കുന്നത്. കേവല ഭൂരിപക്ഷത്തിന് വേണ്ട 272 സീറ്റിൽ നിന്ന് 15 സീറ്റുകൾ കുറച്ച് 257 സീറ്റുകൾ മാത്രമേ എൻഡിഎക്ക് കിട്ടൂ എന്നും സർവേയിൽ വ്യക്തമാക്കുന്നു. കേരളത്തിൽ തെരഞ്ഞെടുപ്പിൽ യുഡിഎഫിന് മുൻകൈയ്യുണ്ടാകും. കോൺഗ്രസിന് എട്ടും മുസ്ലിം ലീഗിന് രണ്ടും കേരള കോൺഗ്രസ് എമ്മിന് ഒന്നും ആർഎസ്പിക്ക് ഒന്നും സീറ്റുകൾ ലഭിക്കും. സിപിഎമ്മിന് അഞ്ച് സീറ്റുകൾ ലഭിക്കുമ്പോൾ ബിജെപി ഒരു സീറ്റ് നേടി അകൗണ്ട് തുറക്കുമെന്നും സർവേ ഫലം വെളിപ്പെടുത്തുന്നു.
യുപിഎ സഖ്യത്തിന് 146 സീറ്റുകൾ ലഭിക്കും. സർക്കാർ രൂപീകരണത്തിന് നിർണായകമാകുന്നത് 140 സീറ്റുകൾ ലഭിക്കുന്ന മറ്റ് കക്ഷികളുടെ തീരുമാനമായിരിക്കും. കഴിഞ്ഞ ഡിസംബർ 15നും 25നും ഇടയിൽ രാജ്യത്തെ 543 ലോക്സഭാ മണ്ഡലങ്ങളിൽ നടത്തിയ സർവേയുടെ ഫലമാണ് ഇപ്പോൾ പുറത്ത് വന്നിരിക്കുന്നത്.
യുപിഎ സഖ്യത്തിന് 146 സീറ്റുകൾ ലഭിക്കും. സർക്കാർ രൂപീകരണത്തിന് നിർണായകമാകുന്നത് 140 സീറ്റുകൾ ലഭിക്കുന്ന മറ്റ് കക്ഷികളുടെ തീരുമാനമായിരിക്കും. കഴിഞ്ഞ ഡിസംബർ 15നും 25നും ഇടയിൽ രാജ്യത്തെ 543 ലോക്സഭാ മണ്ഡലങ്ങളിൽ നടത്തിയ സർവേയുടെ ഫലമാണ് ഇപ്പോൾ പുറത്ത് വന്നിരിക്കുന്നത്.