കൊല്ലത്ത് നിന്ന് മത്സ്യബന്ധനത്തിന് പോയ ബോട്ട് കാണാതായി; ബോട്ടില്‍ നാല് തൊഴിലാളികള്‍

കൊല്ലം: മത്സ്യബന്ധനത്തിന് പോയ ബോട്ട് കാണാതായി. കൊല്ലം ശക്തികുളങ്ങരയില്‍ നിന്ന് മത്സ്യബന്ധനത്തിന് പോയ സ്‌നേഹിതന്‍ എന്ന ബോട്ടാണ് കാണാതായത്. ശനിയാഴ്ച വൈകുന്നേരം പോയ ബോട്ടില്‍ നാല് തൊഴിലാളികളാണ് ഉണ്ടായിരുന്നത്.

മത്സ്യബന്ധനത്തിന് ഇടയില്‍ വല പ്രോപ്പലിറല്‍ കുടുങ്ങി എഞ്ചിന്‍ നിലയ്ക്കുകയായിരുന്നു. ഉടന്‍ തന്നെ വിവരം കോസ്റ്റ് ഗാര്‍ഡിനെയും മറൈന്‍ എന്‍ഫോഴ്‌സ്‌മെന്റിനെയും തൊഴിലാളികള്‍ അറിയിച്ചെങ്കിലും ഇവര്‍ എത്തുന്നതിനു മുമ്പ് തന്നെ ബോട്ട് ഒഴുക്കില്‍പ്പെടുകയായിരുന്നു. ഏറ്റവും അവസാനമായി ബോട്ടിന്റെ ലൊക്കേഷന്‍ ലഭിച്ചതായാണ് റിപ്പോര്‍ട്ടുകള്‍ സൂചിപ്പിക്കുന്നത്.