സിപിഎം പ്രവര്‍ത്തകന്‍റെ വീടിന് നേരെ ബോംബേറ്

കോഴിക്കോട്: ഒഞ്ചിയത്ത് സിപിഎം പ്രവർത്തകന്റെ വീടിന് നേരെ ബോംബേറ്. ബിജെപി - സിപിഎം സംഘർഷത്തിന്റെ പശ്ചാത്തലത്തിലാണ് ബോംബേറുണ്ടായത്. ഒഞ്ചിയം ഏരിയ കമ്മിറ്റി അംഗം പി.പി.ചന്ദ്രശേഖരന്റെ വീടിന് നേരെയാണ് ബോംബെറിഞ്ഞത്.

ആർഎസ്എസ് ആണ് ആക്രമണത്തിന് പിന്നിലെന്ന് സിപിഎം ആരോപിച്ചു. കഴിഞ്ഞ ദിവസം നടന്ന സംഘർഷത്തിന്റെ ഫലമായി ഇന്ന് വടകരയിൽ ബിജെപി ഹർത്താൽ ആചരിക്കുകയാണ്. വടകര നഗരസഭയിലും ചെറോട്, ഒഞ്ചിയം, അഴിയൂർ, ഏറാമല എന്നിവിടങ്ങളിലാണ് ഹർത്താൽ. ചന്ദ്രശേഖരന്റെ വീടിന് കേടുപാടുകൾ സംഭവിച്ചു.