ബോംബാക്രമണം സി.പി.എമ്മിന്‍റെ ഗൂഡാലോചനയെന്ന് കെ സുരേന്ദ്രന്‍

കോഴിക്കോട്: സി.പി.എം സംസ്ഥാന സക്രട്ടറി കോടിയേരി ബാലകൃഷ്ണന്‍ പങ്കെടുത്ത പരിപാടിക്കുനേരെ നടന്ന ബോംബേറ് സി.പി.എമ്മിന്‍റെതന്നെ ഗൂഡാലോചനയാണെന്ന് ബി.ജെ.പി സംസ്ഥാന സെക്രട്ടറി കെ സുരേന്ദ്രന്‍. തന്‍റെ ഫെയ്‍സ്ബുക്ക് പോസ്റ്റിലൂടെയാണ് സുരേന്ദ്രന്‍ ആരോപണം ഉന്നയിച്ചത്.

കോടിയേരി പ്രസംഗിച്ചത് നങ്ങ്യാരത്തു പീടിയകയിലാണ്. എന്നാല്‍ ബോംബു പൊട്ടിയത് മുക്കാല്‍ കിലോമീറ്റര്‍ അകലെയുള്ള കൊമ്മല്‍ വയലിലാണെന്ന് സുരേന്ദ്രന്‍ പറയുന്നു. സംഭവത്തില്‍ ശക്തമായ അന്വേഷണം വേണമെന്നും ഗൂഡാലോചന പുറത്തുകൊണ്ടുവരണമെന്നും അദ്ദേഹം ഫെയ്‍സ്ബുക്കില്‍ കുറിച്ചു.

ഫെയ്‍സ്ബുക്ക് പോസ്റ്റിന്‍റെ പൂര്‍ണരൂപം:

"കോടിയേരി പ്രസംഗിച്ചത് നങ്യാരത്തുപീടികയിൽ. ബോംബുപൊട്ടിയത് കൊമ്മൽ വയലിൽ കൃത്യം മുക്കാൽ കിലോമീററർ അകലെ. മാധ്യമങ്ങളെ വിളിച്ചറിയിക്കുന്നത് എ. എൻ. ഷംസീർ എം. എൽ. എ ,ആർ. എസ്. എസ് ആക്രമണമെന്ന് സി. പി. എം സെക്രട്ടറിയേററ്. പൊലീസ് വകുപ്പ് കൈകാര്യം ചെയ്യുന്ന മുഖ്യമന്ത്രി കാള പെററു എന്നു കേട്ടപ്പോഴേ കയറെടുത്തു. ഇതു ഗൂഡാലോചനയാണ്. കരുതിയിരിക്കണം. ഇങ്ങനെയാണ് പണ്ട് നാദാപുരത്ത് സി. പി. എം കലാപമുണ്ടാക്കിയത്. എ. കണാരനെ ലീഗുകാർ കൊന്നുവെന്ന് പ്രചരിപ്പിച്ചാണ് നിരവധിപേരെ കൊന്നൊടുക്കിയത്. സംഭവത്തിൽ ശക്തമായ അന്വേഷണം വേണം. ദുരൂഹത പുറത്തുകൊണ്ടുവരണം. വെറുതെ പറഞ്ഞാൽ പോരാ. കൃത്യമായ വിവരം പോലീസ് പുറത്തുവിടണമെന്നും അദ്ദേഹം ആവശ്യപ്പെട്ടു."