വടകരയില്‍ സിപിഎം പ്രവര്‍ത്തകന്‍റെ വീടിനു നേരെ ബോംബേറ്

വടകര: കോഴിക്കോട് വടകരയില്‍ ഇന്നു പുലര്‍ച്ചെ സിപിഎം പ്രവര്‍ത്തകന്‍റെ വീടിനു നേരെ ബോംബാക്രമണം. സിപിഎം ലോക്കല്‍ കമ്മിറ്റി അംഗം കാനപ്പള്ളി ബാലന്‍റെ വീടിനു നേരെയാണ് ബോംബേറുണ്ടായത്.

ആക്രമണത്തെ തുടര്‍ന്ന് വീടിന്‍റെ ചുമരിനും വാതിലിനും ജനല്‍പാളികള്‍ക്കും കേടുപാടുകള്‍ സംഭവിച്ചു. സംഭവത്തില്‍ ആര്‍ക്കും പരിക്കില്ല.

പ്രദേശത്ത് സിപിഎം-ആര്‍എസ്എസ് സംഘര്‍ഷം നിലനില്‍ക്കുന്നുണ്ട്. കഴിഞ്ഞ ദിവസം വടകരയില്‍ യുവമോര്‍ച്ച നേതാവിന്‍റെ വീടിനു നേരെ ആക്രമണമുണ്ടായതിനു പിന്നാലെ സിപിഎം പ്രാദേശിക നേതാവിന്‍റെ വീടിനു നേരെയും ആക്രമണം ഉണ്ടായാരുന്നു. ആക്രമണത്തിനു പിന്നില്‍ ആര്‍എസ്എസ് ആണെന്ന് സിപിഎം ആരോപിച്ചു. പോലിസ് അന്വേഷണം ആരംഭിച്ചിട്ടുണ്ട്.