കണ്ണൂരില്‍ സിപിഎം നേതാവിന്‍റെ വീടിനു നേരെ ബോംബേറ്

പയ്യന്നൂര്‍: കണ്ണൂര്‍ രാമന്തളി കക്കമ്പാറയില്‍ സിപിഎം ബ്രാഞ്ച് സെക്രട്ടറിയുടെ വീടിനു നേരെ ബോംബേറ്. ഇന്നലെ രാത്രി പതിനൊന്നരയോടെയാണ് മത്സ്യതൊഴിലാളിയായ പി പി ജനാര്‍ദ്ദനന്‍റെ വീടിന് നേരെ ആക്രമണം ഉണ്ടായത്.

വീടിന്‍റെ സമീപ പ്രദേശത്തു നിന്ന് പോലീസ് പൊട്ടാതെ കിടന്ന സ്റ്റീല്‍ ബോംബ് കണ്ടെത്തിയിട്ടുണ്ട്. ബോംബ് സ്ക്വാഡും ഡോഗ് സ്ക്വാഡും സ്ഥലത്തെത്തി പരിശോധന നടത്തി.

രണ്ടാഴ്ച മുമ്പും ജനാര്‍ദ്ദനന്‍റെ വീടിനു നേരെ ആക്രമണം ഉണ്ടായിരുന്നു.