പീഡനക്കേസ് ഒതുക്കാന്‍ കൈക്കൂലി: സിഐക്ക് സസ്‍പെന്‍ഷന്‍

കൊച്ചി: 25 പേര്‍ ചേര്‍ന്ന് മൂവാറ്റുപുഴ സ്വദേശിയായ യുവതിയെ പീഡിപ്പിച്ച സംഭവം കൈക്കൂലി വാങ്ങി ഒതുക്കി തീര്‍ത്ത എറണാകുളം നോർത്ത് സി.ഐ ടി.ബി വിജയനെ സസ്‍പെൻഡ് ചെയ്തു. സെപ്ഷ്യൽ ബ്രാഞ്ച് റിപ്പോർട്ട് പ്രകാരമാണ് നടപടി.

ഏഴു ലക്ഷം രൂപ വീതം പ്രതികളിൽ നിന്ന് വാങ്ങിയ സി.ഐ പീഡനത്തിനിരയായ യുവതിക്ക് അഞ്ച് ലക്ഷം രൂപ നൽകി. പൊലീസിന് പുറമെ അഭിഭാഷകരും ഇതില്‍ ഇടപെട്ടിരുന്നു. കുബേര ഒാപ്പറേഷനില്‍ കുടുങ്ങിയ പണമിടപാടുകാരിൽ നിന്നും വിജയൻ കൈകൂലി വാങ്ങിയെന്നും ആരോപണമുയര്‍ന്നിരുന്നു.

കൊച്ചിയിലെ ഇവന്‍റ് മനേജ്‍മെന്‍റ് സ്ഥാപനത്തില്‍ ജോലി വാഗ്‍ദാനം ചെയ്ത് യുവതിയെ പൂട്ടിയിട്ട് പീഡിപ്പിച്ചുവെന്നാണ് കേസ്. പാലാരിവട്ടത്തെ ഫ്ലാറ്റില്‍ പൂട്ടിയിട്ട് ആദ്യം സ്ഥാപനത്തിന്‍റെ ഉടമയും പിന്നീട് മറ്റു പലരും യുവതിയെ പീഡിപ്പിച്ചു. ഇതില്‍ ഇടപെട്ട മറ്റ് പേലീസുകാരും അഭിഭാഷകരും രണ്ടു ലക്ഷം രൂപ വീതം പങ്കിട്ടെടുത്തുവെന്നും സ്പെഷ്യല്‍ ബ്രാഞ്ച് കണ്ടെത്തി.

Bribe to hush up rape case: CI suspended

CI suspended for taking bribe from convicts in the rape case