കണ്ണൂര്‍: പയ്യന്നൂരിലെ വിവാഹവേദിയിൽ പൗരത്വ നിയമ ഭേദഗതിക്കെതിരെ പ്രതിഷേധവുമായി വധൂവരന്മാർ. '#No NRC, #No CAA' എന്ന പോസ്റ്ററുമായാണ് വിവാഹ വേദിയിലേക്ക് വധൂവരന്മാർ എത്തിയത്. കാസര്‍ഗോഡ് എംപി രാജ്മോഹൻ ഉണ്ണിത്താനും വിവാഹവേദിയിലെ പ്രതിഷേധത്തിൽ പങ്കാളിയായി.
Also Read: പാലായിലെ എസ്എഫ്ഐ ഭീഷണി: പോലീസിനെ വിമര്‍ശിച്ച് സിപിഎം
തായിനേരി എം കെ ഹൗസിലെ യു എ മുഹമ്മദ് കുഞ്ഞിയുടെയും എം കെ നഫീസയുടെയും മകൻ മുഹമ്മദ് ഷമീമും കാഞ്ഞങ്ങാട് കൊവ്വൽപള്ളിയിൽ വടക്കൻ ഹൗസിൽ എം അബ്ദുൾ ഖാദറിൻ്റെയും എം ജുമൈദിൻ്റെയും മകൾ റുഫൈദയുമാണ് വിവാഹവേദി പ്രതിഷേധ വേദിയാക്കിയത്. ഇരുവര്‍ക്കും വിവാഹ ആശംസകള്‍ നേരാൻ എത്തിയ രാജ്മോഹൻ ഉണ്ണിത്താൻ എംപിയും വധൂവരന്മാരുടെ പ്രതിഷേധത്തിൽ പങ്കെടുത്തു. ഫേസ്ബുക്കിലൂടെ ഇക്കാര്യം പങ്കുവെച്ചും അദ്ദേഹം രംഗത്തെത്തി.
Also Read: ഇടുക്കിയിൽ ഒരു കുടുംബത്തിലെ മൂന്ന് പേർ മരിച്ച നിലയിൽ
വനിത ലീഗ് കണ്ണൂർ ജില്ലാ സെക്രട്ടറി എം കെ ഷമീമയുടെ അനുജനാണ് വരൻ മുഹമ്മദ് ഷമീം. കേരളത്തിൻ്റെ വിവിധ ഭാഗങ്ങളിലെ വിവാഹ വേദികളിലും സമാന പ്രതിഷേധം ഉയർന്നിരുന്നു.
Also Read: 30 അടി താഴ്‌ചയുള്ള കിണറ്റിൽ വീണ പൂച്ചയെ രക്ഷിച്ച ഗൃഹനാഥനെ കരക്കെത്തിച്ചത് അഗ്നിശമനസേന