അടിയന്തിര പ്രമേയത്തിന് അനുമതി നിഷേധിച്ചു: പ്രതിപക്ഷം ഇറങ്ങിപ്പോയി

തിരുവനന്തപുരം: അടിയന്തിര പ്രമേയത്തിന് അവതരണാനുമതി നിഷേധിച്ചതിനെ തുടര്‍ന്ന് പ്രതിപക്ഷം നിയമസഭയില്‍നിന്ന് ഇറങ്ങിപ്പോയി. പോലീസ് അതിക്രമങ്ങളും ക്രമസമാധാന പ്രശ്നങ്ങളും ചര്‍ച്ച ചെയ്യണമെന്നാവശ്യപ്പെട്ടായിരുന്നു അടിയന്തിര പ്രമേയത്തിന് അവതരണാനുമതി തേടിയത്.

പോലീസിന്റെ കിരാത ഭരണമാണ് സംസ്ഥാനത്തു നടക്കുന്നതെന്ന് തിരുവഞ്ചൂര്‍ ആരോപിച്ചു. പോലീസിന്റെ ഭാഗത്തുനിന്ന് അടിക്കടി അക്രമങ്ങള്‍ ഉണ്ടാകുന്നു.മലപ്പുറത്ത് മുതിര്‍ന്ന പൗരന്റെ മൂക്ക് ഇടിച്ചു തകര്‍ത്ത സംഭവം,

കോട്ടയം ഈരാറ്റുപേട്ടയില്‍ വാഹന പരിശോധനയ്ക്കിടെ എസ് ഐ നടത്തിയ അസഭ്യവര്‍ഷം തുടങ്ങിയവ സൂചിപ്പിച്ചായിരുന്നു തിരുവഞ്ചൂരിന്‍റെ പ്രസംഗം. പോലീസിന്റെ അതിക്രമം സൂചിപ്പിക്കുന്ന ആറ് കാര്യങ്ങള്‍ ഉള്‍പ്പെടുത്തിയാണ് പ്രതിപക്ഷം അടിയന്തര പ്രമേയത്തിന് നോട്ടീസ് നല്‍കിയത്.