രഹ‍്‍ന ഫാത്തിമയെ ബിഎസ്എൻഎൽ വീണ്ടും സ്ഥലം മാറ്റി

കൊച്ചി: ശബരിമലയിൽ ദർശനത്തിന് എത്തിയതിനെ തുടർന്ന് വിവാദത്തിലായ രഹ‍്‍ന ഫാത്തിമയെ ബിഎസ്എൻഎൽ വീണ്ടും സ്ഥലം മാറ്റി. എറണാകുളം പാലാരിവട്ടത്തേക്കാണ് ഇപ്പോൾ സ്ഥലം മാറ്റിയിരിക്കുന്നത്.

കൊച്ചി ബോട്ട് ജെട്ടി ബ്രാഞ്ചിൽ നിന്ന് രവിപുരത്തേക്ക് സ്ഥലം മാറ്റിയെന്നായിരുന്നു നേരത്തെ റിപ്പോർട്ട്. എന്നാൽ തൻെറ വീടിനടുത്തേക്ക് സ്ഥലം മാറ്റം ലഭിച്ചതിൽ സന്തോഷമുണ്ടെന്ന് രഹ‍്‍ന പ്രതികരിച്ചിരുന്നു. ഏറെ നാളായി താൻ ഇത് ആഗ്രഹിച്ചിരുന്നുവെന്നും അവർ പറഞ്ഞിരുന്നു. ഇതേ തുടർന്നാണ് പുതിയ സ്ഥലം മാറ്റം.

എറണാകുളം ബോട്ട് ജെട്ടി ഉപഭോക്തൃ സേവന കേന്ദ്രത്തിൽ നിന്ന് പാലാരിവട്ടം എക്സ്ചേഞ്ചിലേക്കാണ് ഇപ്പോഴുള്ള സ്ഥലം മാറ്റം. പോലീസ് സംരക്ഷണത്തിൽ രഹ‍്‍ന ശബരിമലയിൽ എത്തിയിരുന്നു. എന്നാൽ വൻ പ്രതിഷേധത്തെ തുടർന്ന് പിൻമാറേണ്ടി വന്നു.

ആക്ടിവിസ്റ്റുകൾക്ക് സംരക്ഷണം നൽകേണ്ട കാര്യമില്ലെന്ന് ദേവസ്വം മന്ത്രി കടകംപള്ളി സുരേന്ദ്രൻ പറഞ്ഞിരുന്നു. ഈ നിർദേശത്തെ തുടർന്നാണ് എെജി ശ്രീജിത്തിൻെറ നേതൃത്വത്തിലുള്ള സംഘം രഹ‍്‍നയോട് തിരികെ പോവാൻ ആവശ്യപ്പെട്ടത്.