ദുരിതാശ്വാസത്തിനായി ബസ് ജീവനക്കാരുടെ കാരുണ്യ യാത്ര

പാലക്കാട്: ദുരിതാശ്വാസനിധിയിലേക്ക് പണം കണ്ടെത്തുന്നതിന്‍റെ ഭാഗമായി കേരള സ്റ്റേറ്റ് പ്രൈവറ്റ് ബസ് ഒാപ്പറേറ്റേഴ്സ് അസോസിയേഷന്‍ സംഘടിപ്പിച്ച കാരുണ്യ യാത്ര ജനങ്ങളുടെ പ്രശംസ പിടിച്ചുപറ്റി. തിങ്കളാഴ്ചയാണ് ജില്ലയിലെ ഏകദേശം 500 റോളം ബസുകള്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം കണ്ടെത്താനായി സര്‍വ്വീസ് നടത്തിയത്.

ടിക്കറ്റുകള്‍ ഇല്ലാതെയാണ് ഞങ്ങള്‍ കാരുണ്യയാത്ര നടത്തിയത്. യാത്രക്കാരുടെ അകമയിഞ്ഞ സഹായം ഇതിലേക്ക് ഉണ്ടായെന്ന് ഫെഡറേഷന്‍റെ ജില്ലാ പ്രസിഡന്‍റ് എ അബ്ദുള്‍ നാസര്‍ പറഞ്ഞു. ബസ് ഉടമകള്‍ തന്നെ ഇതിന് തുടക്കിമിട്ടതാണ് എന്നാല്‍ ഇന്ധന വിലയിലെ വര്‍ധനവ് അവര്‍ക്ക് താങ്ങാനായില്ലെന്നും അദ്ദേഹം പറഞ്ഞു.

കേരള സ്റ്റേറ്റ് പ്രൈവറ്റ് ബസ് ഒാപ്പറേറ്റേഴ്സ് അസോസിയേഷന്‍റെ നേതൃത്വത്തില്‍ കേരളത്തില്‍ 8500 ബസുകള്‍‍ പണം കണ്ടെത്തുന്നതിനായി സര്‍വ്വീസ് നടത്തി. വിദ്യാര്‍ത്ഥികളെല്ലാം കണ്‍സെഷനു പുറമേ അധിക സഹായം നല്‍കുന്നുണ്ടായിരുന്നു. ഫെഡറേഷനു കീഴിലുള്ള മറ്റ് ഏരിയ കമ്മറ്റികളുടെ നേതൃത്വത്തില്‍ ഇതിനു മുമ്പ് സര്‍വ്വീസ് നടത്തിയിരുന്നു.

ദുരിതാശ്വാസത്തിനായി രണ്ട് കോടി രൂപ കണ്ടെത്താനുള്ള പരിശ്രമത്തിലാണ്. യാത്രക്കാരുടെ സഹായത്തിനു പുറമേ ബസ് തൊഴിലാളികള്‍ അവര്‍ക്കു സാധിക്കുന്നത് ചെയ്യുന്നുണ്ടെന്നും ഫെഡറേഷന്‍ നേതാക്കള്‍ പറഞ്ഞു.

ചിത്രം കടപ്പാട്: The Hindu