ബസ് ചാർജ് വർധിപ്പിച്ചു; മിനിമം ടിക്കറ്റിൽ സഞ്ചരിക്കാവുന്ന ദൂരം കുറഞ്ഞു

തിരുവനന്തപുരം: സംസ്ഥാനത്ത് ബസ് യാത്രാക്കൂലി വര്‍ധിപ്പിച്ച നടപടിയ്ക്ക് കേരള മന്ത്രിസഭായോഗം അംഗീകാരം നല്‍കി. മിനിമം ടിക്കറ്റ് നിരക്കായ 8 രൂപ വര്‍ധിപ്പിച്ചിട്ടില്ലെങ്കിലും മിനിമം നിരക്കിൽ സഞ്ചരിക്കാവുന്ന ദൂരപരിധി കുറച്ചു. ചാര്‍ജ് വര്‍ധന കൊവിഡ് കാലത്തേയ്ക്ക് മാത്രമാണെന്നാണ് മന്ത്രിസഭായോഗത്തിലെ തീരുമാനം.

നിലവിൽ ഓര്‍ഡിനറി ബസിൻ്റെ കുറഞ്ഞ നിരക്കായ എട്ട് രൂപയിൽ അഞ്ച് കിലോമീറ്ററാണ് സഞ്ചരിക്കാവുന്നത്. ഇത് രണ്ടര കിലോമീറ്ററായി കുറയും. എന്നാൽ മിനിമം ദൂരപരിധി കുറയ്ക്കുന്ന നിലപാട് വ്യവസായത്തിന് ഗുണകരമല്ലെന്നാണ് സ്വകാര്യ ബസുടമകള്‍ വാര്‍ത്താ ചാനലുകളോട് പ്രതികരിച്ചത്.

Also Read: തോക്കിൻമുനയിൽ നിന്ന് 3വയസുകാരനെ രക്ഷിച്ചു; സോപോരിൽ ഭീകരാക്രമണം
മുൻപ് സംസ്ഥാനത്ത് കൊവിഡ് കാലത്ത് 12 രൂപയാക്കി മിനിമം ടിക്കറ്റ് നിരക്ക് വർധിപ്പിച്ചിരുന്നെങ്കിലും യാത്രക്കാരുടെ എണ്ണത്തിലടക്കമുള്ള നിയന്ത്രണങ്ങളിൽ ഇളവുകൾ നൽകിയതോടെ ടിക്കറ്റ് നിരക്ക് വർധന പിൻവലിച്ചിരുന്നു. ഇതോടെ സംസ്ഥാനത്തെ സ്വകാര്യ ബസുകൾ കൂട്ടത്തോടെ സർവീസ് വെട്ടിച്ചുരുക്കുകയും ചെയ്തിരുന്നു.

Also Read: രാജ്യത്ത് റെക്കോര്‍ഡ് കൊവിഡ് മരണം; രോഗികള്‍ 5.85 കവിഞ്ഞു

എന്നാൽ കൂടിയ ബസ് ചാര്‍ജ് ഈടാക്കാൻ രണ്ടാഴ്ച മുൻപ് ഹൈക്കോടതി ഉത്തരവ് ലഭിച്ചെങ്കിലും സിങ്കിള്‍ ബെഞ്ച് ഉത്തരവ് സ്റ്റേ ചെയ്യപ്പെട്ടതോടെ ബസുടമകള്‍ക്ക് വീണ്ടും തിരിച്ചടിയായിരുന്നു.