സോളാർ റിപ്പോർട്ട്: വീണ്ടും നിയമോപദേശം തേടും

തിരുവനന്തപുരം: സോളാർ റിപ്പോർട്ടിൽ സർക്കാർ വീണ്ടും നിയമോപദേശം തേടും. ഇന്ന് ചേർന്ന മന്ത്രിസഭായോഗത്തിലാണ് ഇക്കാര്യം തീരുമാനിച്ചത്. ഈ സാഹചര്യത്തിൽ സോളാർ റിപ്പോർട്ടിന്മേലുള്ള അന്വേഷണ ഉത്തരവ് വൈകും. നിയമോപദേശം ലഭിച്ചതിനു ശേഷം മാത്രമായിരിക്കും അന്വേഷണ ഉത്തരവ് നൽകുക.

സോളാർ റിപ്പോർട്ടിൽ ജസ്റ്റിസ് അരിജിത് പസായത്തിനോടാണ് നിയമോപദേശം തേടുക.
മുൻ സുപ്രീംകോടതി ജഡ്ജിയാണ് ജസ്റ്റിസ് അരിജിത് പസായത്ത്. അതേസമയം, ടേംസ് ഓഫ് റഫറൻസിന് പുറത്ത് നിർണായക വിവരങ്ങൾ കണ്ടെത്തി.

അതേസമയം, സോളാർ കമ്മീഷൻ റിപ്പോർട്ട് ചർച്ച ചെയ്യാൻ നവംബർ ഒമ്പതിന് നിയമസഭ ചേരാൻ ഇന്നുചേർന്ന മന്ത്രിസഭായോഗത്തിൽ തീരുമാനമായി. സോളാർ റിപ്പോർട്ട് അന്ന് സഭയുടെ മേശപ്പുറത്ത് വെയ്ക്കും.

സോളാർ റിപ്പോർട്ട് നിയമസഭയിൽ വെയ്ക്കണമെന്നും ഇതിനായി പ്രത്യേകസമ്മേളനം വിളിക്കണമെന്നും പ്രതിപക്ഷനേതാവ് രമേശ് ചെന്നിത്തല കഴിഞ്ഞദിവസം ആവശ്യപ്പെട്ടിരുന്നു.

Cabinet decides to seek legal advice again in Solar report

Cabinet decides to seek legal advice from Justice Arijit Pasayat again in Solar report