തിരുവനന്തപുരം࿒ പ്രമാദമായ കൂടത്തായി കൂട്ടക്കൊലക്കേസ് അന്വേഷണത്തിലൂടെ കേരള പോലീസിന്റെ അഭിമാനമായി മാറിയ കോഴിക്കോട് റൂറല് എസ്.പി. കെ.ജി. സൈമണിന് സ്ഥലം മാറ്റം. കണ്ണൂര്, കാസര്കോട് ക്രൈം ബ്രാഞ്ച് മേധാവിയായ ഡോ. എ.ശ്രീനിവാസാണ് സൈമണിന് പകരം ചുമതല. ഇതിന് പിന്നാലെ സംസ്ഥാനത്തെ പോലീസ് സേനയില് അഴിച്ചുപണി നടത്തിയിട്ടുണ്ട്.
Also Read:കൊറോണ: രോഗലക്ഷണങ്ങൾ ഉള്ളവരെ ഇന്ത്യയിലേയ്ക്ക് അയക്കില്ലെന്ന് ചൈന
പത്തനംതിട്ട എസ്പി ആയാണ് കെജി സൈമണിനെ മാറ്റിയിരിക്കുന്നത്. കാസര്കോട് എസ്.പി ജെയിംസ് ജോസഫിനെ ആലപ്പുഴയിലേക്ക് നിയമിച്ചു. പത്തനംതിട്ടയുടെ ചുമതലയുണ്ടായിരുന്ന ജി.ജയദേഴിനെയാണ് കോട്ടയം എസ്പിയായി നിയമിച്ചിരിക്കുന്നത്. കാസര്കോഡ് ജില്ലാ പോലീസ് മേധാവിയായി കോട്ടയം എസ്പിയായിരുന്ന പിഎസ് സാബുവിനെയും നിയമിച്ചു.
കൂടത്തായി കൊലപാതക പരമ്പരയിലെ നാലാമത്തെ കേസില് അന്വേഷണസംഘം മൂന്നാം തിയതി കുറ്റപത്രം സമര്പ്പിക്കാനിരിക്കെയാണ് സ്ഥലം മാറ്റമുണ്ടായത്. റോയ് മാത്യുവിന്റെ മാതൃസഹോദരനായ മഞ്ചാടിയില് മാത്യുവിന്റെ കൊലപാതകത്തിലാണ് കുറ്റപത്രം ഒരുങ്ങുന്നത്.