ക്രിസ്തുമസ് നക്ഷത്രത്തിനു പകരം മകര നക്ഷത്രം; ആഹ്വാനവുമായി ഹിന്ദുത്വ സംഘടനകൾ
ഈ മകര വിളക്കുകാലത്ത് ക്രിസ്തുമസ് നക്ഷത്രങ്ങൾക്കു പകരം മകര നക്ഷത്രം ഹിന്ദു വീടുകളിൽ ഉയരട്ടെ എന്നാണ് ആഹ്വാനം.
Samayam Malayalam 2 Dec 2020, 1:41 pm
കൊച്ചി: ക്രസ്തുമസ് കാലത്ത് കേരളത്തിലെ മിക്ക വീടുകളിലും നക്ഷത്രം തൂക്കാറുണ്ട്. അതിൽ ജാതിയോ മതമോ ഇല്ല. ആഘോഷത്തിലും ആ വേർതിരിവില്ല. എന്നാൽ ഇക്കുറി ക്രിസ്തുമസ് നക്ഷത്രങ്ങൾക്ക് പകരം മകര നക്ഷത്രം തൂക്കണമെന്ന ആഹ്വാനവുമായി രംഗത്തെത്തിയിരിക്കുകയാണ് തീവ്ര ഹിന്ദുത്വ സംഘടനാ പ്രവർത്തകർ. സമൂഹമാധ്യമങ്ങളിലൂടെയാണ് ആഹ്വാനവുമായി ഇത്തരക്കാർ രംഗത്തെത്തിയിരിക്കുന്നത്.
മകര നക്ഷത്രത്തിന്റെ ചിത്രത്തോടൊപ്പം നമ്പർ സഹിതം ഇത് വാങ്ങാൻ ആഗ്രഹിക്കുന്നവർ വിളിക്കുക എന്നാണ് സോഷ്യൽ മീഡിയ പോസ്റ്റ്. വാട്സാപ്പിലൂടെ മകര നക്ഷത്രം വാങ്ങാനും അവസരമുണ്ട്.
"ഇത് എന്റെ സംരംഭം അല്ല. ഒരു ഹിന്ദു സഹോദരനു വേണ്ടി നിങ്ങളോട് അഭ്യർത്ഥിക്കുകയാണ്. ഈ മകരവിളക്കുകാലത്ത് നമ്മുടെ വീടുകളിൽ ക്രിസ്തുമസ് നക്ഷത്രങ്ങൾക്കു പകരം ഉയരട്ടെ മകരനക്ഷത്രങ്ങൾ. മേൽപ്പറഞ്ഞ നക്ഷത്രം വാങ്ങാൻ താൽപര്യം ഉള്ളവർ മേൽപ്പറഞ്ഞ നമ്പറിൽ വിളിക്കുക എന്നാണ് പോസ്റ്റ്.
ഈ പോസ്റ്റിനു താഴെ നിരവധി പേരാണ് പ്രതികരണവുമായി എത്തിയിരിക്കുന്നത്.
"എന്തിന് മറ്റുള്ളവരെ ഹിന്ദു അനുകരിക്കണം. മകര നക്ഷത്രം എന്ന പേരിൽ മുൻപ് ഒരു വീട്ടിലും ഇങ്ങനെ ഒന്ന് കണ്ടതായി ഞാൻ ഓർക്കുന്നില്ല." എന്നാണ് ചന്ദ്രൻ മോഹൻ എന്നയാളുടെ കമന്റ്. കൂടാതെ മറ്റനേകം രസകരമായ കമന്റുകളുമുണ്ട്.
"സഹോ രണ്ടു നക്ഷത്രങ്ങൾ ഒരുമിച്ചിട്ടാൽ അയ്യപ്പ സ്വാമിയുടെ നൈഷ്ഠികത്തിന് വല്ല കുഴപ്പവും സംഭവിക്കുമോ." സുരേഷ് പികെ എന്നയാൾ ചോദിക്കുന്നു. അപ്പോൾ ക്രിസ്മസ് അപ്പൂപ്പനു പകരം ഇനി ദുർവാസാവ് മഹർഷിയെ അയക്കേണ്ടി വരുമോ- എന്നാണ് ജിനേഷ് ദേവസ്യയുടെ കമന്റ്.
മകര നക്ഷത്രത്തിന്റെ ചിത്രത്തോടൊപ്പം നമ്പർ സഹിതം ഇത് വാങ്ങാൻ ആഗ്രഹിക്കുന്നവർ വിളിക്കുക എന്നാണ് സോഷ്യൽ മീഡിയ പോസ്റ്റ്. വാട്സാപ്പിലൂടെ മകര നക്ഷത്രം വാങ്ങാനും അവസരമുണ്ട്.
"ഇത് എന്റെ സംരംഭം അല്ല. ഒരു ഹിന്ദു സഹോദരനു വേണ്ടി നിങ്ങളോട് അഭ്യർത്ഥിക്കുകയാണ്. ഈ മകരവിളക്കുകാലത്ത് നമ്മുടെ വീടുകളിൽ ക്രിസ്തുമസ് നക്ഷത്രങ്ങൾക്കു പകരം ഉയരട്ടെ മകരനക്ഷത്രങ്ങൾ. മേൽപ്പറഞ്ഞ നക്ഷത്രം വാങ്ങാൻ താൽപര്യം ഉള്ളവർ മേൽപ്പറഞ്ഞ നമ്പറിൽ വിളിക്കുക എന്നാണ് പോസ്റ്റ്.
ഈ പോസ്റ്റിനു താഴെ നിരവധി പേരാണ് പ്രതികരണവുമായി എത്തിയിരിക്കുന്നത്.
"എന്തിന് മറ്റുള്ളവരെ ഹിന്ദു അനുകരിക്കണം. മകര നക്ഷത്രം എന്ന പേരിൽ മുൻപ് ഒരു വീട്ടിലും ഇങ്ങനെ ഒന്ന് കണ്ടതായി ഞാൻ ഓർക്കുന്നില്ല." എന്നാണ് ചന്ദ്രൻ മോഹൻ എന്നയാളുടെ കമന്റ്. കൂടാതെ മറ്റനേകം രസകരമായ കമന്റുകളുമുണ്ട്.
"സഹോ രണ്ടു നക്ഷത്രങ്ങൾ ഒരുമിച്ചിട്ടാൽ അയ്യപ്പ സ്വാമിയുടെ നൈഷ്ഠികത്തിന് വല്ല കുഴപ്പവും സംഭവിക്കുമോ." സുരേഷ് പികെ എന്നയാൾ ചോദിക്കുന്നു. അപ്പോൾ ക്രിസ്മസ് അപ്പൂപ്പനു പകരം ഇനി ദുർവാസാവ് മഹർഷിയെ അയക്കേണ്ടി വരുമോ- എന്നാണ് ജിനേഷ് ദേവസ്യയുടെ കമന്റ്.