ജിഷയ്ക്കായി അവ‍ർ തെളിച്ചു; പിന്തുണയുടെ തിരികൾ

പെരുമ്പാവൂരിൽ മൃഗീയ പീഡനത്തിനിരയായി മരിച്ച ജിഷയോടുള്ള ആദരസൂചകമായി ബുധനാഴ്ച വൈകീട്ട് ആറുമുതൽ മെഴുകുതിരികൾ കൊളുത്തി കേരളം. അധികാര വർഗത്തിന്റെ കണ്ണ് തുറക്കുവാനും യഥാർത്ഥ ഘാതകരെ ഉടൻ പിടികൂടുന്നതിനുമായാണ് കേരളത്തിൽ ഓരോ വിടുകളുടെ ഗേറ്റിനു മുൻവശവും ,റോഡുകളിലും,പൊതുസ്ഥലങ്ങളിലും മെഴുക് തിരി കത്തിച്ചു പ്രതിഷേധം ശക്തമാക്കിയത്. രാത്രി ഒമ്പതുവരെ ഇത്തരം പ്രതിഷേധങ്ങൾ ആളിക്കത്തി.


വിവിധ ഗ്രൂപ്പുകൾ വഴി സോഷ്യൽ മീഡിയയിലൂടെയാണ് ഈ സന്ദേശം പ്രചരിച്ചത്. തുടർന്ന് വിദ്യാ‍‍ർത്ഥിസംഘടനകളും മറ്റും ഇതേറ്റെടുത്തതോടെ പലരും മെഴുകുതിരി കത്തിച്ച് ജിഷയ്ക്ക് പിന്തുണയേകി ഹാഷ് ജസ്റ്റിസ് ഫോർ ജിഷ എന്ന ടാഗിൽ ഫേസ്ബുക്കിൽ പോസ്റ്റ് ചെയ്യുകയായിരുന്നു.