കെ എസ് ആര്‍ ടി സി യെ സഹായിക്കില്ലെന്ന് പറഞ്ഞിട്ടില്ലെന്ന് മന്ത്രി

തിരുവനന്തപുരം: കെ എസ് ആര്‍ ടി സി സെ സഹായിക്കില്ലെന്ന് പറഞ്ഞിട്ടില്ലെന്ന് ധനകാര്യ മന്ത്രി തോമസ് എെസക്. കമ്പനിയെ പുനരുദ്ധരിച്ച് സ്വന്തം കാലില്‍ നില്‍ക്കാനുളള സ്ഥിതിയുണ്ടക്കുമെന്നാണ് കോടതിയില്‍ നല്‍കിയ സത്യവാങ്മൂലത്തില്‍ പറഞ്ഞിട്ടുളളതെന്നും മന്ത്രി പറഞ്ഞു

പെന്‍ഷന്‍ നല്‍കാനായി സര്‍ക്കാര്‍ 600 കോടി നല്‍കിയിട്ടുണ്ട്. 1500 കോടി രൂപയാണ് ധനസഹായമായി ഇൗ വര്‍ഷം നല്‍കിയിട്ടുളളത് . പെന്‍ഷന്‍ ബാധ്യത സര്‍ക്കാരിന് ഏറ്റെടുക്കാനാവില്ല. സമഗ്രമായ പാക്കേജിനു രൂപം നല്‍കിയിട്ടുണ്ടെന്നും അദ്ദേഹം പറഞ്ഞു.

കെ എസ് ആര്‍ ടി സിയുടെ സാമ്പത്തിക ബാധ്യത ഇനി ഏറ്റെടുക്കാനാവില്ലെന്ന് കഴിഞ്ഞ ദിവസം സംസ്ഥാന സര്‍ക്കാര്‍ ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍ വ്യക്തമാക്കിയിരുന്നു. സാമ്പത്തിക പ്രതിസന്ധി മറികടക്കാന്‍ സാധ്യമായ എല്ലാ സഹായവും ചെയ്തുകഴിഞ്ഞുവെന്നും ഇനി ഒന്നും ചെയ്യാനില്ലെന്നുമാണ് സത്യവാങ്മൂലത്തില്‍ സര്‍ക്കാര്‍ വ്യക്തമാക്കിയിരുന്നത്.