ചേരാനല്ലൂരിൽ ഓടുന്ന കാർ തീപിടിച്ചു; ആളപയാമില്ല

കൊച്ചി: ചേരാനല്ലൂരിൽ ഓടുന്ന കാറിന് തീപിടിച്ചു. ചേരാനല്ലൂരിനും മഞ്ഞുമ്മല്ലിനുമിടയ്ക്ക് വെച്ചാണ് കാറിനു തീപിടിച്ചത്. പിതാവും മകനുമാണ് കാറിലുണ്ടായിരുന്നത്. മകനെ സ്കൂളിലേക്ക് കൊണ്ടു പോകും വഴിയാണ് അപകടം.

ബോണറ്റിൽ നിന്നു പുകയുയർന്നപ്പോൾ തന്നെ വണ്ടി നിർത്തി. രണ്ട് പേരും പുറത്തിറങ്ങി. ഇറങ്ങിയതിനുപിന്നാലെ കാർ പൂർണമായും കത്തി.

തക്കസമയത്തു പുറത്തിറങ്ങാനായതിനാൽ ഇരുവരും അത്ഭുതകരമായി രക്ഷപെടുകയായിരുന്നു. ഫയർഫോഴ്സും പൊലീസും എത്തിയപ്പോൾ കാർ പൂർണമായും കത്തിനശിച്ചിരുന്നു.