കാര്‍ കിണറ്റില്‍വീണു; ഡ്രൈവർ അത്ഭുതകരമായി രക്ഷപ്പെട്ടു

ഫറോക്ക്: ഫ്ലാറ്റിൽ വച്ച് പിന്നോട്ടെടുക്കുന്നതിനിടെ നിയന്ത്രണം വിട്ട് കാര്‍ കിണറ്റില്‍വീണു. പക്ഷേ കാറോടിച്ചയാൾ അത്ഭുതകരമായി രക്ഷപ്പെട്ടു. കണ്ണഞ്ചേരി ഹൈവേ അപ്പാര്‍ട്ട്‌മെന്റിലെ താമസക്കാരനായ വലിയാട്ട് ഫൈസല്‍ മുഹമ്മദ് ഫാറൂഖ് (56)ആണ് രക്ഷപ്പെട്ടത്. ബുധനാഴ്ച ഉച്ചയ്ക്ക് രണ്ടേകാലോടെയാണ് സംഭവം. സെലേറിയ കാര്‍ കിണറിന്റെ ആള്‍മറ തകര്‍ത്ത് ഉള്ളിലേക്ക് വീണത്.

കിണറ്റില്‍ വീണയുടനെ കാറിന്റെ വാതില്‍തുറന്ന് വെള്ളത്തിലേക്ക് ചാടിയതിനെത്തുടര്‍ന്നാണ് ഫൈസല്‍ മുഹമ്മദ് ഫാറൂഖ് രക്ഷപ്പെട്ടത്. തുടര്‍ന്ന് ഫ്‌ലാറ്റിലെ ജീവനക്കാരും മറ്റും അദ്ദേഹത്തെ കിണറ്റില്‍നിന്ന് രക്ഷപ്പെടുത്തി. വിവരമറിഞ്ഞെത്തിയ മീഞ്ചന്ത ഫയര്‍ യൂണിറ്റിലെ സ്റ്റേഷന്‍ ഓഫീസര്‍ പനോത്ത് അജിത് കുമാറിന്റെ നേതൃത്വത്തിലുള്ള യൂണിറ്റിലെ മുങ്ങല്‍വിദഗ്ധരായ ഇ. ശിഹാബുദ്ദീന്‍, ടി.എസ്. രതിഷ്
എന്നിവര്‍ കിണറ്റിലിറങ്ങി ക്രെയിനിന്റെ സഹായത്തോടെയാണ് പൂര്‍ണമായും ആഴ്ന്നുപോയ കാര്‍ പുറത്തെടുക്കാനായത്.

ചിത്രം കടപ്പാട്-മാതൃഭൂമി.

car falls into well, driver escaped

car falls into well, miraculous escape for driver.