അന്തര്‍ സംസ്ഥാന വാഹനമോഷണസംഘം പിടിയിൽ

കൊച്ചി: കേരളത്തിലെ വിവിധ സ്ഥലങ്ങളിൽ നിന്ന് കാറുകള്‍ വാടകയ്ക്ക് എടുത്തതിനു ശേഷം തമിഴ് നാട്ടിലെ വിവിധ സ്ഥലങ്ങളില്‍ പണയം വച്ച് പണം തട്ടുന്ന സംഘത്തിലെ 4 പേരെ അറസ്റ്റുചെയ്തു. പിറവം പോലീസ് എസ്ഐ ശിവൻകുട്ടി പി.കെയുടെ നേതൃത്വത്തിലാണ് അറസ്റ്റ് നടന്നത്.

പിറവം,ആലപ്പുഴ,അങ്കമാലി,കൂത്താട്ടുകുളം എന്നീ സ്ഥലങ്ങളിൽ നിന്നും കാറുകള്‍ വാടകയ്ക്ക് എടുത്താണ് ഇവർ പണയം വച്ചിരുന്നത്. സംഘത്തിലെ പ്രധാനികളായ പാളാവള്ളി സ്വദേശികളായ ഡെനീഷ് (39), സന്തോഷ് കുമാര്‍(43), തൊടുപുഴ സ്വദേശി നസീര്‍(44), രാമേശ്വരം സ്വദേശി അലക്‌സ്(26) എന്നിവരാണ് വിവിധ സ്ഥലങ്ങളിൽ നിന്നും അറസ്റ്റിലായത്.

തമിഴ്‌നാട്ടിലെ പൊള്ളാച്ചി, തെങ്കാശി, എന്നീ സ്ഥലങ്ങളിലും വണ്ടിപ്പെരിയാറിലും ആണ് കാറുകള്‍ ഇവർ പണയം വച്ച് പണം തട്ടിക്കൊണ്ടിരുന്നത്. വാഹനമോഷണവുമായി ബന്ധപ്പെട്ട് ഇവർക്കെതിരെ മുപ്പതോളം കേസുകളാണുള്ളത്. ഇവരെ കോടതിയിൽ ഹാജരാക്കി റിമാൻഡ് ചെയ്തു.