കൊച്ചി: ആരോഗ്യമന്ത്രി വീണാ ജോർജിനെതിരെ വ്യക്തിഹത്യ നടത്തിയതിന് പി സി ജോർജിനെതിരെ പോലീസ് കേസെടുത്തു. ഹൈക്കോടതിയിലെ ഒരു അഭിഭാഷകനാണ് കേസ് നൽകിയിരിക്കുന്നത്. സ്ത്രീത്വത്തെ അപമാനിച്ചതിനും സമൂഹമാധ്യമത്തിൽ അവഹേളിച്ചതിനുമെതിരെയാണ് കേസെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്.
Also Read : ചിത്രങ്ങളും വീഡിയോകളും കെണിയൊരുക്കും; 'ഹണി ട്രാപ്പ്' മാഫിയ ശക്തമാകുന്നു; ജാഗ്രത പാലിക്കണമെന്ന് ഒമാൻ പോലീസ്
കേരള സംസ്ഥാനത്തിന് അപമാനമാണ് വീണാ ജോർജെന്ന ആരോഗ്യമന്ത്രിയെന്ന് പറഞ്ഞുകൊണ്ടായിരുന്നു പിസി ജോർജ് വിവാദ പരാമർശങ്ങൾ നടത്തിയത്. "ഇന്ത്യയിൽ ഏറ്റവും കൂടുതൽ കൊറോണ രോഗികളുള്ള നാടായി കേരളത്തെ മാറ്റിയെടുത്തതിന് വീണാ ജോർജിന് അവാർഡ് കിട്ടും. അവർ ടീവീല് എന്നും വരുന്നതെന്തിനാ? അവരുടെ സൗന്ദര്യം കാണിക്കാൻ വരികയാ. എന്നാ സൗന്ദര്യം, ആരുടെ സൗന്ദര്യം? എയ്ജ് ഇത്ര ആയില്ലേ" എന്നിങ്ങനെയായിരുന്നു പിസി ജോർജ് വിവാദ അഭിമുഖത്തിൽ പറഞ്ഞതെന്ന് മീഡിയ വൺ റിപ്പോർട്ട് ചെയ്തു.
Also Read : 'ഇന്ത്യ അമേരിക്കയുടെ പ്രധാന പങ്കാളി'; കമലാ ഹാരിസിനെ കണ്ട് പ്രധാനമന്ത്രി, മോദി - ബൈഡൻ കൂടിക്കാഴ്ച ഇന്ന്
ആരെ കാണിക്കാൻ വേണ്ടിയാണിതെന്ന രീതിയിലുള്ള പരാമർശങ്ങളും മുൻ എംഎൽഎയുടെ ഭാഗത്ത് നിന്ന് ഉണ്ടായിരുന്നു. ഈ അഭിമുഖത്തിനെതിരെ അഭിഭാഷകൻ നൽകിയ പരാതിയിലാണ് പോലീസ് കേസ് രജിസ്റ്റർ ചെയ്തിരിക്കുന്നത്.
Also Read : ചെയ്യുന്നത് സൗദി പൗരന്മാർക്ക് നീക്കിവച്ച തൊഴിലോ? പ്രവാസികൾ ശ്രദ്ധിക്കുക, ആജീവനാന്ത വിലക്കിന് സാധ്യത