തോമസ് ചാണ്ടിക്കെതിരായ കേസ്: ജഡ്‌ജി പിന്മാറി

ന്യൂഡൽഹി: മുൻ ഗതാഗതമന്ത്രി തോമസ് ചാണ്ടിയുടെ കായൽ കയ്യേറ്റ ഹർജി പരിഗണിക്കുന്നതിൽ നിന്ന് രണ്ടാമത്തെ ജഡ്‌ജിയും പിന്മാറി. ജസ്റ്റിസ് അഭയ് മനോഹർ സാപ്രെയാണ് പിന്മാറിയത്. തുടർന്ന് തോമസ് ചാണ്ടിയുടെ കേസ് പരിഗണിക്കുന്നത് വെള്ളിയാഴ്‌ചത്തേക്ക് മാറ്റി.

കായൽ കയ്യേറ്റവുമായി ബന്ധപ്പെട്ടുള്ള കേസ് പരിഗണിക്കുന്ന ബെഞ്ച് മാറ്റണമെന്ന തോമസ് ചാണ്ടിയുടെ ആവശ്യം സുപ്രീം കോടതി നേരത്തെ തള്ളിയിരുന്നു. ജസ്റ്റിസുമാരായ ആർ.കെ.അഗർവാൾ, അഭയ് മനോഹർ സാപ്രെ എന്നിവരുടെ ബെഞ്ചാണ് ഇന്ന് കേസ് പരിഗണിക്കേണ്ടിയിരുന്നത്. മന്ത്രിസഭക്ക് കൂട്ടുത്തരവാദിത്തം നഷ്ടപ്പെട്ടെന്ന പരാമർശം നീക്കണമെന്നും കളക്ടറുടെ റിപ്പോർട്ട് സ്റ്റേ ചെയ്യണമെന്നും തോമസ് ചാണ്ടി ആവശ്യപ്പെട്ടിരുന്നു.