'ഹണിട്രാപ്പ്' വിവാദം: എ.കെ ശശീന്ദ്രനെതിരെ കോടതി കേസെടുത്തു

തിരുവനന്തപുരം: ഫോണ്‍ കെണി വിവാദത്തില്‍ പെട്ട മുന്‍ മന്ത്രി എ.കെ ശശീന്ദ്രനെതിരെ സിജെഎം കോടതി കേസെടുത്തു. ജാമ്യമില്ലാ വകുപ്പ് ചുമത്തി കോടതി സ്വമേധേയാ ആണ് കേസെടുത്തത്. ഫോണിലൂടെ അപമര്യാദയായി പെരുമാറിയതിനാണ് കേസെടുത്തിരിക്കുന്നത്. കോടതി ശശീന്ദ്രന് നോട്ടീസ് അയച്ചിട്ടുണ്ട്. കോടതി നടപടി സ്വാഭാവികമാണെന്ന് എ കെ ശശീന്ദ്രൻ അഭിപ്രായപ്പെട്ടു.

സ്വകാര്യ ചാനൽ ലൈംഗികാരോപണ വാര്‍ത്ത പുറത്തു വിട്ടതിനെ തുടര്‍ന്ന് എകെ ശശീന്ദ്രൻ മന്ത്രി സ്ഥാനം രാജി വെച്ചിരുന്നു. കേസില്‍ ചാനല്‍ മേധാവിക്കും ജീവനക്കാര്‍ക്കുമെതിരായി ക്രൈംബ്രാഞ്ചും ഹെടെക് സെല്ലും അന്വേഷണം നടക്കുകയാണ്. ഇതിനിടെ ചാനല്‍ ജീവനക്കാരിയായ യുവതി കോടതിയില്‍ നേരിട്ട് പരാതി നല്‍കിയിരുന്നു. മന്ത്രി തന്നെ ഫോണില്‍ വിളിച്ച് മോശമായി സംസാരിച്ചതായും അപമാനിച്ചതായും പരാതിയിൽ ചൂണ്ടിക്കാട്ടിയിട്ടുണ്ട്. പരാതിയിൽ മൂന്ന് സാക്ഷികളുടെ മൊഴികളും രേഖപ്പെടുത്തിയിട്ടുണ്ട്. ഇതിനെ തുടര്‍ന്നാണ് സിജെഎം കോടതി കേസ് എടുത്തിരിക്കുന്നത്.

Case on AK Saseendran regarding Honey Trap Case

CJM Court has registered Case on AK saseendran regarding Honey Trap Case