സ്‌കൂള്‍ വിദ്യാര്‍ഥിനികളെ ശല്യംചെയ്ത വയോധികന്‍ പിടിയില്‍

കൊച്ചി: ആലുവ എസ് എൻ ഡി പി സ്‌കൂളിന് സമീപം സ്കൂള്‍ വിദ്യാർഥിനികളെ ശല്യം ചെയ്ത വയോധികന്‍ പിടിയില്‍. റെയില്‍വേ ലെയിനിലേക്ക് ഇറങ്ങുന്ന സ്റ്റെപ്പിലും പരിസരങ്ങളിലും നിന്നുകൊണ്ട് ഇയാള്‍ അതുവഴി നടന്ന് പോകുന്ന പെൺകുട്ടികളെ അശ്ലീല ചേഷ്ടകള്‍ കാണിച്ച് ശല്യം ചെയ്യുകയായിരുന്നു. നാട്ടുകാര്‍ പരാതിപ്പെട്ടതനുസരിച്ചാണ് പോലീസെത്തി ഇയാളെ പിടികൂടിയത്.

കോട്ടയം വൈക്കം താലൂക്ക് ഉല്ലല വില്ലേജ് മാര്‍ക്കറ്റിന് സമീപം വട്ടപ്പറമ്പ് വീട്ടില്‍ രാജൻ(65) ആണ് പിടിയിലായിരിക്കുന്നത്. ആലുവ ഈസ്റ്റ് പോലീസ് സ്റ്റേഷൻ എസ് എച്ച് ഒ വിശാല്‍ ജോൺസന് ലഭിച്ച വിവരത്തെ തുടര്‍ന്ന് എസ് ഐ ഫൈസലിന്‍റെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തിരിക്കുന്നത്.