ഡാമുകള്‍ തുറന്നതില്‍ ജാഗ്രതക്കുറവ്: സര്‍ക്കാരിനെതിരെ കത്തോലിക്ക സഭ

കോഴിക്കോട്: പ്രളയം സംസ്ഥാനത്ത് വന്‍ നാശം വിതച്ച സാഹചര്യത്തില്‍ സര്‍ക്കാരിനെതിരെ വിമര്‍ശനവുമായി കത്തോലിക്ക സഭ. സംസ്ഥാനത്ത് അണക്കെട്ടുകള്‍ തുറന്നതില്‍ ജാഗ്രതക്കുറവുണ്ടായെന്നാണ് താമരശേരി അതിരൂപതയുടെ വിമര്‍ശനം.

ഇതേ വിമര്‍ശനങ്ങള്‍ പ്രതിപക്ഷവും ഉന്നയിച്ചിരുന്നു. എന്നാല്‍, പ്രകൃതിയോട് കാട്ടിയ അലംഭാവമാണ് കേരളത്തിന്‍റെ മഹാ പ്രളയത്തിന്‍റെ പ്രഭവകേന്ദ്രമെന്നാണ് മാധവ് ഗാഡ്ഗില്‍ വ്യക്തമാക്കിയത്. പരിസ്ഥിതി വിരുദ്ധ പ്രവര്‍ത്തനത്തെ നിയന്ത്രിക്കാന്‍ ആരും ശ്രമിച്ചില്ലെന്നും റിപ്പോര്‍ട്ടില്‍ പറയുന്നു

പരിസ്ഥിതി വിരുദ്ധ പ്രവര്‍ത്തനങ്ങള്‍ക്ക് തടയിട്ടില്ലെങ്കില്‍ ഇത്തരം വിപത്തുകളുണ്ടാകുമെന്നത് യാഥാര്‍ത്ഥ്യമാണെന്നും അദ്ദേഹം ചൂണ്ടികാട്ടി. കേരളത്തിലെ പ്രളയം ക്ഷണിച്ചുവരുത്തിയ ഒന്നാണെന്നാണ് അദ്ദേഹത്തിന്‍റെ പക്ഷം. ഗാഡ്ഗില്‍ റിപ്പോര്‍ട്ട് നടപ്പാക്കിയിരുന്നെങ്കില്‍ ഇത്ര വലിയ ദുരന്തം ഉണ്ടാവില്ലായിരുന്നെന്നും അദ്ദേഹം അഭിപ്രായപ്പെട്ടു.