വിദേശ വനിതയെ പീഡിപ്പിച്ച പാലാ രൂപത വൈദികന്‍ കീഴടങ്ങി

വൈക്കം: ബംഗ്ലാദേശ് സ്വദേശിയെ ലൈംഗികമായി പീഡിപ്പിച്ച വൈദികന്‍ കോടതിയില്‍ കീഴടങ്ങി. പാലാ രൂപതയുടെ കീഴിലുള്ള കല്ലറ പെരുംതുരുത്ത് സെന്‍റ് മാത്യുസ് പള്ളി വികാരി ഫാ. തോമസ് താന്നിനില്‍ക്കും തടത്തില്‍ ആണ് കീഴടങ്ങിയത്.

വൈക്കം കോടതിയിലായിരുന്നു കീഴടങ്ങല്‍.

ബ്രിട്ടീഷ് പൗരത്വമുള്ള ബംഗ്ലാദേശുകാരിയുടെ പരാതിക്ക് എതിരെ വൈദികന്‍ പരാതി നല്‍കിയിരുന്നു. പണം തട്ടാനുള്ള ശ്രമമാണ് പീഡന ആരോപണമെന്നും പരാതിയില്‍ പറയുന്നു. ഫേസ്ബുക്കിലൂടെ പരിചയപ്പെട്ട ഫാ. തോമസ് ലൈംഗികമായി പീഡിപ്പിക്കുകയും വജ്രാഭരണവും പണവും തട്ടിയെടുത്തെന്നുമാണ് യുവതിയുടെ പരാതി.

വൈദികന്‍ ഒളിവിലായിരുന്നു. യുവതി കടുത്തുരുത്തി മഹിളാ മന്ദിരത്തിലാണ് ഇപ്പോഴുള്ളത്. ആരോപണങ്ങളെ തുടര്‍ന്ന് ഫാ. തോമസിനെ വൈദിക ജോലിയില്‍ നിന്ന് പാലാ രൂപത പുറത്താക്കിയിട്ടുണ്ട്.