കലാഭവന്‍ മണിയുടെ മരണം; കേസ് ഏറ്റെടുക്കില്ലെന്ന് സിബിഐ

കൊച്ചി: കലാഭവന്‍ മണിയുടെ മരണത്തിലെ ദുരൂഹത ഇനിയും ശേഷിക്കവേ കേസ് അന്വേഷണം ഏറ്റെടുക്കാനാവില്ലെന്ന് സിബിഐ ഹൈക്കോടതിയെ അറിയിച്ചു. അന്വേഷണം ഏറ്റെടുക്കാന്‍ തക്ക ദുരൂഹതകള്‍ മണിയുടെ മരണത്തിന് ഇല്ലെന്ന് സിബിഐ വ്യക്തമാക്കി. മെഡിക്കല്‍ പരിഷോധനാഫലങ്ങളില്‍ കരള്‍ രോഗമാണ് മരണകാരണമെന്ന് വ്യക്തമാക്കുന്നുണ്ടെന്നും സിബിഐ കോടതിയെ ബോധിപ്പിച്ചു.

മണിയുടെ മരണം കൊലപാതകമെന്ന് സ്ഥിരീകരിക്കുന്ന തെളിവുകള്‍ ഇല്ലാത്തതിനാല്‍ അന്വേഷണം അവസാനിപ്പിക്കാന്‍ കേരള പോലീസും തീരുമാനിച്ചിരുന്നു. സംശയിക്കപ്പെടുന്നവരുടെ നുണപരിശോധന ഉള്‍പ്പെടെയുള്ള ശാസ്ത്രീയ പരിശോധനകള്‍ നടത്തിയിരുന്നെങ്കിലും ഫലമുണ്ടായില്ല. കാര്യമായ തെളിവുകള്‍ ലഭിച്ചില്ലെന്നായിരുന്നു പോലീസ് വിശദീകരണം.

മണിയുടെ മരണത്തില്‍ ദുരൂഹതയുണ്ടെന്ന ബന്ധുക്കളുടെ ആരോപണത്തെ തുടര്‍ന്നാണ് ​കേസില്‍ സിബി ഐ അന്വേഷണം പ്രഖ്യാപിച്ചത്.

cbi not ready to take Kalabhavan Mani death case

cbi informed kerala highcourt they are not ready to take Kalabhavan Mani death case.