പ്രളയക്കെടുതി: സർട്ടിഫിക്കറ്റുകൾ നഷ്ടപ്പെട്ടവർക്ക് 30നകം നൽകണം

തിരുവനന്തപുരം: പ്രളയക്കെടുതിയിൽ സർട്ടിഫിക്കറ്റുകൾ നഷ്ടപ്പെട്ടവർക്കു ഫീസ് ഈടാക്കാതെ അദാലത്തുകൾ നടത്തി നടത്തി സെപ്റ്റംബർ 30നകം മാർക്ക്‌ലിസ്റ്റ് ഉൾപ്പടെയുള്ള രേഖകൾ നൽകാൻ എല്ലാ സർവകലാശാലകൾക്കും സര്‍ക്കാര്‍ നിര്‍ദ്ദേശം നല്‍കി.

ടി സി, കോൺടാക്ട് സർട്ടിഫിക്കറ്റുകൾ എന്നിവ ഇതേ രീതിയിൽ നൽകാൻ സർവകലാശാലകൾക്കു കീഴിലെ എല്ലാ അഫിലിയേറ്റഡ് കോളജുകൾക്കും റജിസ്ട്രാർമാർ ആവശ്യമായ നിർദേശം നൽകേണ്ടതാണ്.

ഉന്നത വിദ്യാഭ്യാസ വകുപ്പിനു കീഴിലുള്ള സാങ്കേതിക സ്ഥാപനങ്ങൾക്കും സമാനമായ ഉത്തരവു നൽകി സർട്ടിഫിക്കറ്റുകൾ നൽകാൻ ഉടൻ നിർദ്ദേശം നല്‍കുമെന്നും ഉത്തരവില്‍ പറയുന്നുണ്ട്.