രാജീവ് വധക്കേസ്: ജസ്റ്റിസിനെതിരെ സുപ്രീംകോടതിയില്‍ പരാതി

കൊച്ചി: ​ റിയല്‍ എസ്റ്റേറ്റ് ബ്രോക്കര്‍ രാജീവ് വധക്കേസില്‍ ഹൈക്കോടതിയുടെ ഇടക്കാല ഉത്തരവിനെതിരെ പരാതി. ജസ്റ്റിസ് ഉബൈദിന്റെ ഇടക്കാല ഉത്തരവിനെതിരെയാണ് കൊല്ലപ്പെട്ട രാജീവിന്റെ അമ്മ രാജമ്മ സുപ്രീം കോടതി ചീഫ് ജസ്റ്റിസിന് പരാതി നല്‍കിയിരിക്കുന്നത്. കേസന്വേഷണം നിലയ്ക്കാന്‍ ഇടക്കാല ഉത്തരവ് ഇടയാക്കിയെന്ന് പരാതിയില്‍ പറയുന്നു.

ഇടക്കാല ഉത്തരവോടെ കേസന്വേഷണം നിലച്ചെന്ന് പരാതിയില്‍ ആരോപിച്ചിട്ടുണ്ട്. സിപി ഉദയഭാനുവിന് തെളിവില്ലാതാക്കാന്‍ സാവകാശം ലഭിച്ചെന്നും പരാതിയില്‍ പറയുന്നു. ഏഴാം പ്രതി സിപി ഉദയഭാനുവിന്റെ മുന്‍കൂര്‍ ജാമ്യാപേക്ഷ പരിഗണിച്ചുകൊണ്ടാണ് ഹൈക്കോടതി ഇടക്കാല ഉത്തരവ് പുറപ്പെടുവിച്ചത്.

ഉദയഭാനുവിനെതിരായ തെളിവുകള്‍ പോലീസ് മുദ്രവെച്ച കവറില്‍ കോടതിയ്ക്ക് കൈമാറണമെന്നും അതുവരെ ഉദയഭാനുവിനെതിരെ മറ്റു നടപടികള്‍ ഉണ്ടാകരുതെന്നും കോടതി നിര്‍ദ്ദേശിച്ചിരുന്നു. നേരത്തെ, ജാമ്യഹര്‍ജി പരിഗണിക്കുന്നതില്‍നിന്ന് ജസ്റ്റിസ് ഉബൈദ് പിന്‍മാറിയിരുന്നു..

Chalakudy Rajeev murder: Complaint filed against HC's interim order

A complaint has been filed before the Supreme Court against the High Court’s interim order in connection with the alleged murder of real estate broker.