കേരളത്തിൽ വെ​ള്ളി​യാ​ഴ്ച രാ​വി​ലെ​ വ​രെ ക​ന​ത്ത മ​ഴയ്ക്ക് സാധ്യത

തിരുവനന്തപുരം: കേരളത്തിൽ ഒറ്റപ്പെട്ട സ്ഥലങ്ങളിൽ വെള്ളിയാഴ്ച രാവിലെ വരെ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മഴ ഏഴു മുതൽ 11 സെന്‍റീമീറ്റർ വരെയുള്ള കനക്കാനാണ് സാധ്യതയുള്ളതെന്നും അറിയിപ്പുണ്ട്.

അടുത്ത 24 മണിക്കൂറിനുള്ളിൽ സംസ്ഥാനത്ത് ശക്തമായ കാറ്റിനും സാധ്യതയുണ്ട്. അതിനാൽ തന്നെ മീൻപിടിത്തക്കാർ ജാഗ്രത പാലിക്കണമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകിയിട്ടുണ്ട്. കേരളതീരത്ത് പടിഞ്ഞാറൻ കാറ്റിന്‍റെ വേഗം ചില അവസരങ്ങളിൽ മണിക്കൂറിൽ 50 കിലോമീറ്റർ വരെയായേക്കാനാണ് സാധ്യത.