തോക്കു ചൂണ്ടിയ കേസ്: പി സി ജോര്‍ജിനെതിരെ കുറ്റപത്രം സമര്‍പ്പിച്ചു

മുണ്ടക്കയം: തോട്ടംതൊഴിലാളികള്‍ക്കുനേരെ തോക്കു ചൂണ്ടിയ സംഭവത്തിൽ പി സി ജോര്‍ജ് എംഎൽഎയ്ക്കെതിരെ കാഞ്ഞിരപ്പള്ളി ഒന്നാംക്ലാസ് മജിസ്ട്രേറ്റ് കോടതിയിൽ കുറ്റപത്രം സമര്‍പ്പിച്ചു. മുണ്ടക്കയം വെള്ളനാടിയിൽ തൊഴിലാളികള്‍ക്കു നേര്‍ക്ക് തോക്കുചൂണ്ടി ഭീഷണിപ്പെടുത്തിയെന്നാണ് കേസ്. തൊഴിലാളികള്‍ തന്നെ കൈയ്യേറ്റം ചെയ്യാൻ ശ്രമിച്ചെന്ന പി സി ജോര്‍ജിന്‍റെ പരാതിയിലും കുറ്റപത്രം സമര്‍പ്പിച്ചിട്ടുണ്ട്.

2017 ജൂൺ 29ന് വെള്ളനാടി പുറമ്പോക്കിലെ തോട്ടത്തിലൂടെയുള്ള റോഡ് തോട്ടം ഉടമകള്‍ അടച്ചതിനെത്തുടര്‍ന്ന് എംഎൽഎ സ്ഥലം സന്ദര്‍ശിക്കാനെത്തിയപ്പോഴായിരുന്നു സംഭവം. സ്ഥലത്ത് പുറമ്പോക്കിൽ താമസിക്കുന്ന തൊഴിലാളികളുമായി സംസാരിക്കവേ അവരുമായി വാക്കേറ്റമുണ്ടാകുകയും പി സി ജോര്‍ജ് തോക്ക് ചൂണ്ടുകയും ചെയ്തെന്നാണ് കേസ്. തൊഴിലാളികളുടെ പരാതിയെത്തുടര്‍ന്ന് മുണ്ടക്കയം പോലീസ് കേസെടുക്കുകയായിരുന്നു