സിപിഎമ്മിന്‍റെ അക്രമത്തിന് കാരണം ചെഗുവേരയെ മാതൃകയാക്കിയത്: കുമ്മനം

കൂത്തുപറമ്പ്: ചെഗുവേരയെ മാതൃകാപുരുഷനാക്കിയതുകൊണ്ടാണ് സിപിഎം അക്രമസ്വഭാവം കാണിക്കുന്നതെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരന്‍. ജനരക്ഷാ യാത്രയ്‍ക്ക് കൂത്തുപറമ്പില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം.

സ്വന്തം നാടിനുവേണ്ടി ജീവിച്ചുമരിച്ചവരെ മാതൃകയാക്കാന്‍ സിപിഎം തയ്യാറാകണം. സ്വാമി വിവേകാനന്ദന്‍, നാരായണ ഗുരു, അയ്യന്‍കാളി തുടങ്ങിയവരെ മാതൃകയാക്കാത്തതാണ് സിപിഎമ്മിന്‍റെ തകര്‍ച്ചയ്‍ക്ക് കാരണം. സിപിഎമ്മിന്‍റെ കൊടിയില്‍ എല്ലായിടത്തും ചെഗുവേരയാണുള്ളത്. എന്നിട്ടുപോലും ചെഗുവേര ഇന്ത്യയില്‍ വന്നപ്പോള്‍ അന്നത്തെ സിപിഎം നേതാക്കള്‍ സ്വീകരിക്കാന്‍ പോയില്ല. ചെഗുവേരയുടെ ചരിത്രം അറിയുന്നതിനാലാണിതെന്നും കുമ്മനം പറഞ്ഞു.

ബിജെപിയുടെ ജനരക്ഷാ യാത്ര കേരളത്തില്‍ വൈവിധ്യം നിലനിര്‍ത്താന്‍വേണ്ടിയാണ്. സിപിഎമ്മിന്‍റെ ഒരു കൊടിയും ഒരു പാര്‍ട്ടിയും എന്ന നിലപാട് അംഗീകരിക്കാനാവില്ല. അക്രമത്തിന്‍റെ പാതയില്‍നിന്ന് സിപിഎം പിന്‍മാറണമെന്നും കുമ്മനം രാജശേഖരന്‍ ആവശ്യപ്പെട്ടു.

Che Guevara admiration, the main reason for CPM's violence: Kummanam

BJP state president Kummanam Rajasekharan said that the CPIM is resorting to violence because they made Che Guevara their admirer.