മലപ്പുറം: പൊന്നാനിയിലെ ഇടതുപക്ഷ സ്ഥാനാര്ത്ഥിയും എംഎൽഎയുമായ പി വി അൻവറിന്റെ നിയന്ത്രണത്തിലുള്ള അനധികൃത തടയണ വറ്റിച്ചു തുടങ്ങി. മലപ്പുറം ചീങ്കണ്ണിപ്പാലയിലെ വാട്ടര് തീം പാര്ക്കിലേയ്ക്ക് വെള്ളമെത്തിക്കുന്ന തടയണയിലെ വെള്ളമാണ് വറ്രിക്കുന്നത്. ഹൈക്കോടതി ഉത്തരവിനു പിന്നാലെയാണ് നടപടി. പി വി അൻവറിന്റെ വാട്ടര് തീം പാര്ക്ക് സ്ഥിതി ചെയ്യുന്നത് പരിസ്ഥിതി ദുര്ബല പ്രദേശത്താണെന്ന് നേരത്തെ കളക്ടര് റിപ്പോര്ട്ട് നല്കിയിരുന്നു. ചെങ്കുത്തായ പാറയുടെ മുകളിൽ വെള്ളം കെട്ടി നിര്ത്തിയുണ്ടാക്കിയ പാര്ക്ക് അപകടഭീഷണിയുയര്ത്തുന്നുണ്ടെന്നും റിപ്പോര്ട്ടുകള് വന്നിരുന്നു. പാര്ക്ക് സ്ഥിതി ചെയ്യുന്ന പ്രദേശം അപകടസാധ്യത കൂടിയ സോൺ ഒന്നിൽപ്പെടുന്ന പ്രദേശമാണ്. ഇവിടെ ഉരുള്പൊട്ടലിന് സാധ്യതയുണ്ടെന്നും പാര്ക്കിലെ കുളം അപകടസാധ്യത വര്ദ്ധിപ്പിക്കുന്നുണ്ടെന്നുമാണ് റിപ്പോര്ട്ട്.
മുൻപ് ഹൈക്കോടതി നല്കിയ കാലയളവിനുള്ളിൽ തടയണയിലെ വെള്ളം നീക്കാൻ പി വി അൻവര് തയ്യാറായിരുന്നില്ല.
മുൻപ് ഹൈക്കോടതി നല്കിയ കാലയളവിനുള്ളിൽ തടയണയിലെ വെള്ളം നീക്കാൻ പി വി അൻവര് തയ്യാറായിരുന്നില്ല.