ചെങ്ങന്നൂരിൽ വർക് ഷോപ്പിന് തീപിടിച്ച് 15 വാഹനങ്ങൾ കത്തി നശിച്ചു
വിവിധ സ്ഥലങ്ങളിൽ നിന്നുള്ള അഗ്നിശമനസേനാ യൂണിറ്റുകൾ എത്തിയാണ് തീയണച്ചത്. പത്ത് ലക്ഷം രൂപയുടെ നഷ്ടമുണ്ടായിട്ടുണ്ടെന്നാണ് കണക്കുകൂട്ടൽ.
Samayam Malayalam 13 Feb 2020, 4:24 pm
ചെങ്ങന്നൂർ: തിരുവൻവണ്ടൂരിൽ ടൂ വീലർ വർക് ഷോപ്പിൽ തീ പിടിച്ച് 15 ഓളം വാഹനങ്ങൾ കത്തി നശിച്ചു. ഇന്ന് രാവിലെ പത്തരയോടെയാണ് വർക് ഷോപ്പിൽ തീപിടിത്തമുണ്ടായത്.
Also Read: ആളൊഴിഞ്ഞ കെട്ടിടത്തിൽ നിന്ന് 63 ലക്ഷം രൂപയുടെ സ്വർണം പിടിച്ചെടുത്തു
തിരുവൻവണ്ടൂർ സ്വദേശി സജിത്തിന്റെ ഉടമസ്ഥതയിലുള്ള വർക് ഷോപ്പിലാണ് തീപിടിത്തമുണ്ടായത്. സംഭവത്തിൽ ദുരൂഹതയുണ്ടെന്ന് സംശയിക്കുന്നതായി പോലീസ് പറഞ്ഞു. സംഭവത്തിൽ അന്വേഷണം തുടരുകയാണ്. പത്ത് ലക്ഷത്തോളം രൂപയുടെ നഷ്ടമുണ്ടയതായി കണക്കാക്കുന്നുണ്ട്. മാവേലിക്കര, തിരുവല്ല എന്നിവിടങ്ങളിൽ നിന്ന് അഗ്നിശമന സേന യൂണിറ്റുകൾ എത്തിയാണ് തീ നിയന്ത്രണവിധേയമാക്കിയത്.