വിഎസിനെയും എം.എ ബേബിയെയും വിമർശിച്ച് ചെന്നിത്തല

തിരുവനന്തപുരം: ജിഷ്ണുവിന്‍റെ കുടുംബം മനപൂർവം സംഘർഷമുണ്ടാക്കി എന്ന രീതിയിലുള്ള മുഖ്യമന്ത്രിയുടെ വാക്കുകൾ അവരെ പരിഹസിക്കുന്നതിന് തുല്യമെന്ന് പ്രതിപക്ഷ നേതാവ് രമേശ് ചെന്നിത്തല. ഇത്തരത്തിലുള്ള പോലീസ് നടപടി ഇടത് നയമല്ലെന്ന് പറഞ്ഞ എം.എ ബേബിയും കാനം രാജേന്ദ്രനും വിഎസും സർക്കാർ വിരുദ്ധരായി മാറിയോയെന്ന് വ്യക്തമാക്കണമെന്നും ചെന്നിത്തല പറഞ്ഞു.

ജിഷ്ണുവിന്‍റെ അമ്മയെ വലിച്ചിഴച്ച പോലീസ് നടപടി മുഖ്യമന്ത്രിക്കും സിപിഎമ്മിനും ദോഷമായി തീരും. പെറ്റമ്മയോട് കേരളം ഒറ്റക്കെട്ടായി നിന്ന് ഐക്യദാർഢ്യം പ്രഖ്യാപിക്കുന്നതിൽ സിപിഎമ്മിനുള്ള ജാള്യതയാണ് ഈ പ്രസ്താവനകളിലൂടെ വ്യക്തമാകുന്നതെന്നും ചെന്നിത്തല ആരോപിച്ചു.

Chennithala criticises V.S and M.A Baby