ചെന്നിത്തല പ്രതിപക്ഷ നേതാവ്; ഉമ്മന്‍ ചാണ്ടി യുഡിഎഫ് ചെയര്‍മാന്‍

തിരുവനന്തപുരം: കോണ്‍ഗ്രസ് നേതാവ് രമേശ് ചെന്നിത്തലയെ പ്രതിപക്ഷ നേതാവാക്കാന്‍ യുഡിഎഫിൽ ധാരണയായതായി സൂചന. മുന്‍ മുഖ്യമന്ത്രി ഉമ്മന്‍ ചാണ്ടി യുഡിഎഫ് ചെയര്‍മാനാകും. ഇക്കാര്യത്തിൽ ഞായാറാഴ്ച ഔദ്യോഗിക തീരുമാനമുണ്ടാകും. കെ.സി. ജോസഫ് പ്രതിപക്ഷ ഉപനേതാവാകുമെന്നും സൂചനയുണ്ട്.

ഷീല ദീക്ഷിത്, ദീപക് ബാബ്റിയ തുടങ്ങിയവർ പങ്കെടുക്കുന്ന കോണ്‍ഗ്രസ് നിയമസഭാംഗങ്ങളുടെ യോഗത്തില്‍ ഹൈക്കമാന്‍ഡിന്റെ അഭിപ്രായം മുകുള്‍ വാസ്നിക് അറിയിക്കും.

ജയിച്ചുവന്ന എംഎല്‍എമാരില്‍ ഭൂരിപക്ഷവും ഐ ഗ്രൂപ്പുകളാണ്. ഇതാണ് രമേശ് ചെന്നിത്തല പ്രതിപക്ഷ നേതാവാകാനുള്ള സാധ്യതകള്‍ വര്‍ധിപ്പിക്കുന്നത്. കൂടാതെ താന്‍ ആ പദവിയിലേയ്ക്കില്ലെന്ന് ഉമ്മന്‍ ചാണ്ടി നേരത്തെ അറിയിച്ചിരുന്നു.